Tisimu 16:1-11
Miktamu* ya Dhavhidha.
16 Ndzi vhikele, Nungungulu, hakuva ndzi chavele ka wena.+
2 Ndzi te ngalo ka Jehovha: “Hi wena Jehovha, a Cibuka ca mina ca wunene.
3 A vakubasa va nga laha misaveni,A vahombe, va ndzi nehela litsako la hombe.”+
4 Lava va ti lavelako a van’wani vanungungulu va ti engetela zvikarato.+
Ndzi nga ta tshuka ndzi chulula a minyikelo yabye ya zvakunwa ya nkhata,Ne hambu a nomu wa mina wu nga ta kumbuka a mavito yabye.+
5 Jehovha ciavelo ca mina, a cipandze ca mina ndzi pimelweko,+ ni kopo ya mina.+
Hi wena u hlayisako a tshomba ya mina.
6 Ndzi pandzelwe a matshamu yo tsakisa.
Ina, ndza xalala hi tshomba ya mina.+
7 Ndzi ta dhumisa Jehovha, loyi a ndzi nyikileko a wusungukati.+
Hambu ni wusiku, a maalakanyo ya mina ma etileko* ma ndzi kawuka.+
8 Ndzi veka Jehovha mahlweni ka mina contlhe cikhati.+
Ndzi nga ta tshuka ndzi tsekatsekiswa* hakuva i reveni ga mina ga cinene.+
9 Hikwalaho, a mbilu ya mina ya tsaka, ni wutsumbu ga mina gontlhe ga nengela.
Ndzi* hanya kuruleni.
10 Hakuva u nga ta ndzi tsika* Cilahleni.*+
U nga ta tsika a tsumbekileko wa wena a wona nkele.*+
11 U ndzi tivisile a ndlela ya wutomi.+
Mahlweni ka wena ku tele hi litsako;+Ku na ni litsako reveni ga wena ga cinene kala kupindzuka.
Mitlhamuselo ya lahasi
^ Kutani: “kutizwa ka mina ka le ndzeni-ndzeni”. Hi kukongoma: “tiswa”.
^ Kutani: “dhedhereka”.
^ Kutani: “Ni nyama ya mina yi”.
^ Kutani: “u nga ta tsika a muhefemulo wa mina”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Zvi nga maha na zvi wula ku: “a wona kubola”.