Tisimu 18:1-50
Ka muchuli. Lisimu la Dhavhidha, a nandza ga Jehovha, loyi a nga wula a timhaka ta lisimu leli ka Jehovha ka siku legi Jehovha a nga mu tlhatlhisa canjeni ga valala vakwe vontlhe ni canjeni ga Sawule. I te ngalo:+
18 Ndza ku randza, Jehovha, wena ntamu wa mina.+
2 Jehovha i ribye ga mina, ni khokhola ga mina, ni mutlhatlhisi wa mina.+
A Nungungulu wa mina i ribye ga mina,+ loyi ndzi chavelako ka yena,Citlhangu ca mina ni limhondzo* la mina la kuhanyiswa,* a wuchavelo ga mina go tiya.*+
3 Ndza khongela ka Jehovha, loyi a ringanelwako hi kudhumiswa,Niku ndzi ta ponisiwa ka valala va mina.+
4 A tingoti ta kufa ti ndzi tsondzele;+Ni tindambi ta vanhu va nga vhuniko nchumu ti ndzi chavisile.+
5 A tingoti ta Cilahla* ti ndzi tsondzelele;Ndzi kumene ni mitlhamu ya kufa.+
6 Kukaratekeni ka mina, ndzi no khongela ka Jehovha;Ndzi no simama ku rila ka Nungungulu wa mina na ndzi lava ku vhuniwa.
I nozwa a gezu ga mina+ hi le tempeleni yakwe;Ni kurila ka mina ka ku lava ku vhuniwa ku no chikela tindleveni takwe.+
7 Makunu a misava yi no sangula ku tsekatseka yi rurumela;+Ni zviseketelo zva zvitsunga zvi no ninganikaZvi tsekatseka hakuva i wa vhindlukile hi zanga.+
8 Ku no tuvika musi hi lomu tinhovhini takwe,Ku huma ndzilo wu lovisako hi lomu non’wini wakwe;+Ku no huma ni makhala ma vhurako hi ka yena.
9 I no koramisa a matilo a chika;+Ni munyama wo tshisa wu wa hi lahasi ka mikondzo yakwe.+
10 I no khilela kerubhima, ata hi kupuruma,+
I nota hi kuhaha tipapeni ta moya.*+
11 I no ti fenengeta hi munyama,+Kontlhe lomu matlhelweni yakwe kota chacha,Ku wa hi ni mati yo phuma ni marefu yo phuma.+
12 Hi lomu kuwonekeleni ku nga mahlweni kakwe,Ku nowa maralala ni makhala ya ndzilo hi lomu marefini.
13 Makunu Jehovha i no sangula kudzindza le matilweni;+Loyi a Tlakukileko ku Hundza Vontlhe i no zwata a gezu gakwe+Na ku hi ni maralala ni makhala ma vhurako.
14 I no phanda a mipaxa yakwe a va hangalasa,+A hoxela a kuhatima kakwe, a va vhilinganyisa.+
15 A minonga ya mati yi no woneka kubaseni;+Ni zviseketelo zva tiko zvi no funungulwa hi kukawuka ka wena, O Jehovha,Hi kota ya moya wa ntamu wu humako hi lomu tinhovhini takwe.+
16 I no nawuluta a canja gakwe na a hi le hehla;I no ndzi khoma a ndzi humesa matini yo eta.+
17 I no ndzi tlhatlhisa ka nala wa mina wa ntamu,+Ka lava va nga ndzi venga, lava va nga ndzi hundza hi ntamu.+
18 Va no ndzi vhukela sikwini ga khombo ga mina,+Kanilezvi Jehovha i no ndzi vhunetela.
19 I no ndzi yisa wutshan’wini go rula;*I no ndzi tlhatlhisa, hakuva i wa xalala hi mina.+
20 Jehovha wa ndzi chachazela maringano ni kululama ka mina;+Wa ndzi tlhelisela maringano ni kubasa* ka mandla ya mina.+
21 Hakuva ndza hlayisa a tindlela ta Jehovha,A ndzi mahangi a ciwonho ca ku fularela Nungungulu wa mina.
22 Kontlhe a kulamula kakwe ku mahlweni ka mina;Ndzi nga ta tsika a milayo yakwe.
23 Ndzi nga tava ni nandzu mahlweni kakwe;+Ndzi ta fambela kule ni cigoho.+
24 Jehovha i wa ndzi tlhelisele maringano ni kululama ka mina,+A ndzi tlhelisela maringano ni kubasa ka mandla ya mina mahlweni kakwe.+
25 Ka loyi a tsumbekako, wena wa tsumbeka kakwe;+Loyi a nga hava nandzu, u mu mahela kululama;+
26 Ka loyi a basileko, u kombisa a kubasa ka wena,+Kanilezvi ka loyi a gombonyekileko, u komba ku u tlharihile.+
27 Hakuva u ponisa lava va ti koramisako,*+Kanilezvi u tsongahata lava va ti kulisako.*+
28 Hakuva hi wena u lumekako a kandiya ya mina, O Jehovha,Nungungulu wa mina, loyi a woningelako munyama wa mina.+
29 Hi ku vhuniwa hi wena, ndzi nga dhumela ntlawa wa vaphangi;+Hi ntamu wa Nungungulu, ndzi nga kandziha muro.+
30 A ndlela ya Nungungulu wa lisine yi mbhelele;+A mhaka ya Jehovha yi basile.*+
Nungungulu citlhangu ca vontlhe lava va chavelako kakwe.+
31 Hakuva himani a nga Nungungulu, ahandle ka Jehovha?+
Kona himani a nga ribye, ahandle ka Nungungulu wa hina ke?+
32 A Nungungulu wa lisine hi yena a ndzi ambexako a ntamu,+Niku i ta mbhelelisa a ndlela ya mina.+
33 I maha minenge ya mina yi fana ni leyi ya hlangu;I ndzi yimisa matshan’wini ma tlakukileko.+
34 I gondzisa a mandla ya mina a kulwa yimpi;A mandla ya mina ma nga kondla a wura ga kobre.
35 Wena wa ndzi nyika a citlhangu ca wena ca kuhanyisa;+A canja ga wena ga cinene ga ndzi vhunetela*Ni kutikoramisa ka wena ka ndzi kulisa.+
36 U anamisile a ndlela ya mazambo ya mina;A mikondzo* ya mina yi nga ta retemuka.+
37 Ndzi ta hlongolisela a valala va mina ndzi va kuma;Ndzi nga ta wuya kala va chindziwa va ku bhi.
38 Ndzi ta va gandla va tsandzeka ni ku vhuka;+Va tawa lahasi ka mikondzo ya mina.
39 U ta ndzi hlomisa a ntamu wa kuya yimpini;U ta maha a valala va mina vawa mahlweni ka mina.+
40 U ta maha a valala va mina va hlehla mahlweni ka mina,*Niku ndzi ta fuvisa* lava va ndzi vengako.+
41 Va rila va kombela ku vhuniwa, kanilezvi i hava a va ponisako;Vaza va rilela na Jehovha, kanilezvi a nga va hlamuli.
42 Ndzi ta va sila va ku khwatsi i ntshuri wu kukuletwako hi moya,Ndzi va hoxa handle a ku khwatsi madhaka lomu maruweni.
43 U ta ndzi tlhatlhisa ka zvisolo zva vanhu.+
U ta ndzi yimisa ndziva hloko ya matiko.+
Ndzi ta tirelwa hi vanhu ndzi nga va tiviko.+
44 Va ta ndzi ingisa hi kuzwa lungu basi;A vamatiko va tata mahlweni ka mina na va khanyene hi kuchava.+
45 A vamatiko va ta tsemeka hlanha;Va ta huma lomu makhokholeni yabye na va rurumela.
46 Jehovha wa hanya! Gi wa dzundziwe a Ribye ga mina!+
I wa tlakusiwe a Nungungulu wa kuhanyiswa ka mina.+
47 A Nungungulu wa lisine wa ndzi photela;+Wa khozisa a matiko lahasi ka mina.
48 Wa ndzi tlhatlhisa ka valala va mina va zangarileko.Wena wa ndzi tlakusa ndziva hehla ka lava va ndzi vhukelako,+U ndzi ponisa ka munhu wa tihanyi.
49 Hikwalaho, ndzi ta ku dhumisa, wena Jehovha, cikari ka matiko;+Ndzi ta yimbelela a tisimu ta ku dhumisa a* vito ga wena.+
50 I yi mahela mitiro ya hombe ya kuhanyisa* a hosi yakwe;+I kombisa a lirandzo lakwe li nga mbheliko ka a totilweko wakwe,+Ka Dhavhidha ni ka pswalo* wakwe kala kupindzuka.+
Mitlhamuselo ya lahasi
^ Kutani: “ni muhanyisi wa mina wa ntamu”.
^ Kutani: “khokhola ga mina gi tlakukileko”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “mheho”.
^ Kutani: “wutshan’wini go anama”.
^ Kutani: “kululama”.
^ Kutani: “va xanisekako”.
^ Hi kukongoma: “va mahlo ya matshandza”.
^ Kutani: “yi hlolilwe ndzilweni”.
^ Kutani: “tiyisa”.
^ Kutani: “mahlakala”.
^ Kutani: “U ta ndzi nyika mihlanha ya valala va mina”.
^ Hi kukongoma: “miyeta”.
^ Kutani: “Ndzi ta gi chayela muzka a”.
^ Kutani; “kuhlula ka hombe”.
^ Kutani: “mbewu”.
