Tisimu 19:1-14
Ka muchuli. Lisimu la Dhavhidha.
19 A matilo ma huwelela a kungangamela ka Nungungulu;+A ndengelenge yi kanela a ntiro wa mandla yakwe.+
2 Siku ni siku a timhaka ta wona ta khulunga ku fana ni mati;Wusiku ni wusiku ma kombisa a wutivi.
3 A ma wulawuli, ne a ma humesi magezu;A gezu ga wona a gi zwali.
4 Kanilezvi, a guwa ga wona gi* hangalakile misaveni yontlhe,Ni mahungu ya wona kala magemeta-musi ya misava.+
I gi gwimbele tenda a gambo le matilweni;
5 Gi fana ni noivho yi humako hi lomu ndlwini ya yona.Ga tsaka a ku fana ni nhenha yi tsutsumako hi ndlela ya yona.
6 Gi tsuwuka hi le magemeta-musi ya matilo,Gi rendzeleka kala ka man’wani magemeta-musi;+A ci kona ci fihlalako ka kuhisa ka gona.
7 A nayo wa Jehovha wu mbhelele,+ wu vhuxa ntamu.*+
A cialakanyiso ca Jehovha ci tsumbekile,+ ci tlharihisa cipumbu.+
8 A zvileletelo zva Jehovha zvi lulamile, zvi tsakisa mbilu;+A nayo wa Jehovha wu basile, wu woningela matihlo.+
9 A kuchava Jehovha+ ku basile, ku simama kala kupindzuka.
A kulamula ka Jehovha lisine, kontlhe ku lulamile.+
10 Zvi na ni lisima a ku hundza ouro,A ku hundza a ouro yo tala yi hlutilweko,+Zva tsombela a ku hundza a wulombe,+ a wulombe gi donadonako hi lomu ka zvihahla.
11 A nandza ga wena ga tlharihiswa hi zvona;+Loyi a zvi hlayisako i na ni nchachazelo wa hombe.+
12 Himani a nga tivako a zvihoxo zvakwe?+
U nga ndzi nyiki nandzu hi zviwonho lezvi ndzi zvi mahako na ndzi nga zvi tivi.
13 Betela a nandza ga wena a ku maha zvilo zva matshandza;+U nga va tsiki va ndzi hlula,+
Kasi ndzi mbhelela,+Ndzi ngavi ni nandzu wa zviwonho* zva hombe.
14 A timhaka ta nomu wa mina ni kuehleketa ka mbilu ya minaZvi wa ku tsakise,+ wena Jehovha, wena Ribye ga mina+ ni Mutlhatlhisi wa mina.+
Mitlhamuselo ya lahasi
^ Zvi nga maha na zvi wula ku: “a lingoti la ku pima hi lona li”.
^ Kutani: “wu wuyisela a muhefemulo”.
^ Kutani: “cihambunyeto”.