Tisimu 22:1-31
Ka muchuli wa “Mbavala ya Wuronga”.* Lisimu la Dhavhidha.
22 Nungungulu wa mina, Nungungulu wa mina, u ndzi tsikele yini?+
Hikuyini u nga kule ni ku ndzi ponisa?Hikuyini u yimako kule ni miketo ya mina ke?+
2 Nungungulu wa mina, ndzi tshama hi ku vitana ni hlikanhi, kanilezvi wena a wu hlamuli;+Ni wusiku a ndzi miyeli.
3 Kanilezvi wena u basile,+U randzelwe hi* wudzundzo ga Izrayeli.
4 A vapapayi va hina va wa ku tsumba;+Va ku tsumbile, wena u va tlhatlhisa.+
5 Va ku rilele, va ponisiwa;Va ku tsumbile; a va wisiwangi tingana.+
6 Kanilezvi mina ndzi ciwungwani, a ndzi munhu.Ndza chepetiwa hi* vanhu, ndzi kanyisiwa hi tiko.+
7 Vontlhe lava va ndzi wonako vo ndzi hleka;+Va monya, va ninginisa a tihloko tabye va ndzi chepeta,+ vaku:
8 “I tsumbile Jehovha. Makunu i wa mu tlhatlhise ka!
I wa mu ponise, hakuva wa mu randza nguvhu!”+
9 Hi wena u ndzi humesileko khwirini ga mamani,+U ndzi hlayisa maveleni ya mamani wa mina.
10 Cima ndzi pswaliwa ndzi lomu mandleni ya wena;U Nungungulu wa mina kusukela khwirini ga mamani wa mina.
11 U nga tshameli kule na mina hakuva a zvikarato zvi laha kusuhani+Kuveni a ndzi na mun’wani muvhuni.+
12 Ndzi randzelwe hi zvidhunana zvo tala zva tihomu;+A tikuzi ta ntamu ta Bhaxani ti ndzi randzele.+
13 Va ndzi ahlamele minomu,+A ku khwatsi i nghala yi bhongako yi phatlulela leci yi nga khoma.+
14 Ndza chululiwa a ku fana ni mati;A marambu ya mina wontlhe ma gudlagudla.
A mbilu ya mina yi fana ni sera;+Ya nyeka ndzeni ka mina.+
15 A ntamu wa mina wu womile a ku fana ni cipalavati ca wumba;+A lirimi la mina li namarele lomu kanwini ka mina;+Wa ndzi relelisa ntshurini wa kufa.+
16 Hakuva a timbyana ti ndzi randzele;+Ti ndzi randzele a ku khwatsi i ntlawa wa vanhu va kubiha;+A ku khwatsi i nghala, ti mandleni ni mikondzweni ya mina.+
17 Ndzi nga hlaya a marambu ya mina wontlhe.+
Va ndzi cuwuka, va ndzi rwadamela.
18 Va avelene a tinguwo ta mina,Vaba tihlolo va bela a nguwo ya mina.+
19 Kanilezvi wena Jehovha u nga yimi kule na mina.+
U ntamu wa mina; hatlisa u ta ndzi vhuna.+
20 Ndzi ponise* ka cipadha,U ponisa a wutomi ga mina ga lisima canjeni ga timbyana;+
21 Ndzi ponise non’wini wa nghala+ ni timhondzweni ta tihomu ta khwati;Ndzi hlamule, u ndzi ponisa.
22 Ndzi ta kanela a vito ga wena ka vamakabye va mina;+Ndzi ta ku dhumisa cikari ka bandla.+
23 N’wina lava mu chavako Jehovha, mu dhumiseni!
N’wentlhe n’wina pswalo* wa Jakobe, mu dzundzeni!+
Mu chaveni, n’wentlhe n’wina pswalo* wa Izrayeli.
24 Hakuva a nga chepetangi ne hambu ku nyenya a kuxaniseka ka loyi a xanisiwako;+A nga mu fihlelangi a nghohe yakwe.+
A cikhati leci a nga mu rilela a lava ku vhuniwa, i no muzwa.+
25 Ndzi ta ku dhumisa lomu bandleni ga hombe;+Ndzi ta tatisa a zvifungo zva mina mahlweni ka lava va mu chavako.
26 A vakurula va taga va xura;+Lava va hlotako Jehovha va ta mu dhumisa.+
Ti buzeni hi wutomi* kala kupindzuka.
27 Wontlhe a magemeta-musi ya misava ma ta alakanya Jehovha, ma hundzuluka maya kakwe.
A mingango yontlhe ya matiko yi ta khizama mahlweni ka wena.+
28 Hakuva a wuhosi gi lumba Jehovha;+Hi yena a fumelako matiko.
29 Vontlhe lava va ganyileko* laha misaveni va taga va tlhela va khizama;Vontlhe lava va relelako ntshurini va ta khizama mahlweni kakwe;I hava cikari kabye a to ponisa a wutomi* gakwe.
30 A pswalo* wabye wu ta mu tirela;A cizukulwana ca ha tako ci ta hlawutelwa ha Jehovha.
31 Va tata va ta hlawutela a kululama kakwe.
Va ta hlawutela lava va to pswaliwa lezvi a zvi mahileko.
Mitlhamuselo ya lahasi
^ Kuzvilava ku wuliwa a nota kutani lixaka la muzka.
^ Kutani: “U tshamile citshan’wini ca wuhosi cikari (hehla) ka”.
^ Kutani: “Ndzi cihlekiso ka”.
^ Kutani: “Ponisa a muhefemulo wa mina”.
^ Hi kukongoma: “mbewu”.
^ Hi kukongoma: “mbewu”.
^ Hi kukongoma: “A mbilu ya n’wina yi wa hanye”.
^ Hi kukongoma: “lava vo kuluka”.
^ Kutani: “muhefemulo”.
^ Hi kukongoma: “mbewu”.