Tisimu 25:1-22
Lisimu la Dhavhidha.
א [álefe]
25 O Jehovha, ndzata ka wena.*
ב [bete]
2 Nungungulu wa mina, ndzi tsumba wena;+U nga ndzi tsiki ndzi wisiwa tingana.+
U nga tsiki a valala va mina va giyagiya ha mina.+
ג [guímel]
3 Hakunene a ku na munhu a ku tsumbako a to wisiwa tingana,+Kanilezvi a tingana ti lavelela lava va kanganyisako handle ka cigelo.+
ד [dálete]
4 O Jehovha, ndzi kombe a tindlela ta wena,+U ndzi gondzisa a tisoko ta wena.+
ה [hê]
5 Ndzi fambise lisineni la wena, u ndzi gondzisa,+Hakuva wena u Nungungulu wa kuhanyiswa ka mina.
ו [vau],
Gontlhe siku ndzi tsumba wena.
ז [zaine]
6 O Jehovha, alakanya a wuxinji ga wena ni lirandzo la wena li nga mbheliko, +Lezvi u zvi kombisako contlhe cikhati.*+
ח [hete]
7 U nga alakanyi a zviwonho zva wuswa ga mina ni zvihambunyeto zva mina.
Ndzi alakanye maringano ni lirandzo la wena li nga mbheliko,+Hi kota ya wunene ga wena, O Jehovha.+
ט [tete]
8 Jehovha mu nene niku i lulamile.+
Hikwalaho, i gondzisa a vawonhi a ndlela leyi va faneleko ku famba hi yona.+
י [iode]
9 I ta rangela a vakurula ka lezvi zvi lulamileko,*+Niku i ta gondzisa a vakurula a ndlela yakwe.+
כ [cafe]
10 Tontlhe a tindlela ta Jehovha lirandzo li nga mbheliko ni kutsumbekaKa lava va hlayisako a civhumelwano+ cakwe ni zvikhumbuxeto zvakwe.+
ל [lâmede]
11 O Jehovha, hi kota ya vito ga wena,+Tsetselela a cigoho ca mina, hambu lezvi ci nga ca hombe.
מ [meme]
12 Himani a munhu loyi a chavako Jehovha?+
I ta mu gondzisa xungetano hi ndlela leyi a faneleko ku yi hlawula.+
נ [nune]
13 I* ta ti buza hi zvilo zva zvinene,+Ni pswalo* wakwe wu taga tshomba ya misava.+
ס [sâmeque]
14 A wunghana ga hombe na Jehovha gi lumba lava va mu chavako,+Niku wa va tivisa a civhumelwano cakwe.+
ע [aine]
15 A matihlo ya mina ma cuwukela Jehovha contlhe cikhati,+Hakuva i ta tlhatlhisa a mikondzo ya mina ntlhan’wini.*+
פ [pê]
16 Hundzuluka u ndzi cuwuka, u ndzi mahela wuxinji,Hakuva ndzi ndzoce, a ndzi na wa ku ndzi vhuna.
צ [tsadê]
17 A zvikarato zva mbilu ya mina zvi pswalelene;+Ndzi tlhatlhise kukaratekeni ka mina.
ר [rexe]
18 Cuwuka a kuxaniseka ka mina ni hlomulo wa mina,+U tsetselela a zviwonho zva mina zvontlhe.+
19 Hi nga wona a kutala ka valala va mina,Ni kukula ka livengo leli va ndzi vengako hi lona!
ש [chim]
20 Hlayisa a wutomi* ga mina, u ndzi ponisa.+
U nga ndzi tsiki ndzi wisiwa tingana, hakuva ndzi chavela ka wena.
ת [tau]
21 Ngha a kutsumbeka ni kululama zvi ndzi hlayisa,+Hakuva ndzi tsumba wena.+
22 O Nungungulu, tlhatlhisa Izrayeli kuxanisekeni kakwe kontlhe.
Mitlhamuselo ya lahasi
^ Kutani: “ndza tlakusa a muhefemulo wa mina ka wena”.
^ Kutani: “Lezvi zvi nga zva cima ka kaleloko”.
^ Hi kukongoma: “a vakurula kulamuleni”.
^ Kutani: “A muhefemulo wakwe wu”.
^ Hi kukongoma: “mbewu”.
^ Hi kukongoma: “ka likoka”.
^ Kutani: “muhefemulo”.
