Tisimu 26:1-12
Lisimu la Dhavhidha.
26 O Jehovha, ndzi lamule hakuva ndzi famba hi kutsumbeka ka mina;+Ndzi tsumba Jehovha na ndzi nga kanakani.+
2 O Jehovha, ndzi hlole u ndzi ringa;Hluta a maalakanyo ya mina ma etileko* ni mbilu ya mina.+
3 Hakuva a lirandzo la wena li nga mbheliko li mahlweni ka mina contlhe cikhati;Ndzi famba lisineni la wena.+
4 A ndzi tshami* ni vanhu va ku hemba;+Ndza potsa lava va ti fihlako lezvi va nga tshamisa zvona.*
5 Ndza venga ku famba ni vawonhi,+Ndzi ala a ku tshama* ni vakubiha.+
6 Ndzi ta hlazva a mandla ya mina kubaseni ka mina;O Jehovha, ndzi ta rendzelekela a alati ga wena
7 Kasi ndzi zwata a gezu ga kubonga,+Ni ku huwelela a mitiro ya wena yontlhe yo hlamalisa.
8 Jehovha, ndza yi randza a yindlu leyi u hanyako ka yona,+A wutshamu legi ku tshamako a kungangamela ka wena.+
9 U nga ndzi lovisi* zvin’we ni vawonhi+Ne u nga susi a wutomi ga mina zvin’we ni vanhu va tihanyi,*
10 Lava a mandla yabye ma khomekileko hi mahanyela ya tingana,Ni lava a canja gabye ga cinene gi teleko hi kuxavelelwa.*
11 Kanilezvi mina, ndzi ta famba kutsumbekeni ka mina.
Ndzi tlhatlhise, u ndzi mahela wuxinji.
12 A nkondzo wa mina wu yimile ka wutshamu go lulama;+Ndzi ta dhumisa Jehovha lomu bandleni ga hombe.*+
Mitlhamuselo ya lahasi
^ Kutani: “kutizwa ka mina ka le ndzeni-ndzeni”. Hi kukongoma: “tiswa”.
^ Kutani: “A ndzi hlakani”.
^ Kutani: “A ndzi ti tlhanganisi ni vakhohlisi”.
^ Kutani: “ku hlakana”.
^ Kutani: “U nga lovisi muhefemulo wa mina”.
^ Kutani: “vanhu va halatako nkhata”.
^ Kutani: “kuxavelela”.
^ Hi kukongoma: “lomu mitlhanganweni”.