Tisimu 27:1-14
Lisimu la Dhavhidha.
27 Jehovha kuwonekela ka mina+ ni kuhanyiswa ka mina.
Ndzi ta chava mani ke?+
Jehovha i khokhola ga wutomi ga mina.+
Ndzi ta rurumela mahlweni ka mani ke?
2 Laha a vakubiha va nga ndzi dhumela kasi va khadamula a nyama ya mina,+Lava va ndzi vengako ni valala va mina hi vona va nga ti phinganyeta vawa.
3 Hambu loku a butho go gova gi ndzi randzelaA mbilu ya mina yi nga ta chava.+
Hambu loku ko vhuka yimpi yilwa na mina,Ndzi ta simama ndziva ni kutsumba.
4 Cilo cin’we ndzi kombelako ka Jehovha— Hi caleco ndzi to ci lava —Ku nga lezvaku ndzi tshama ndlwini ya Jehovha wontlhe a masiku ya kuhanya ka mina,+Kasi ndzi wona a kusaseka ka JehovhaNdzi tlhela ndzi nyanga a tempeli yakwe.*+
5 Hakuva i ta ndzi fihla lomu chacheni wakwe sikwini ga khombo;+I ta ndzi fihla wutshan’wini ga cihundla ga tenda gakwe;+I ta ndzi yimisa hehla, laha ribyeni.+
6 Makunu a hloko ya mina yi le hehla ka valala va mina lava va ndzi randzelako;Ndzi ta nyikela miphahlo ya mina tendeni gakwe na ndzi nengela hi kutsaka;Ndzi ta yimbelela a tisimu ta ku dhumisa* Jehovha.
7 Jehovha, zwana a kurila ka mina;+Ndzi mahele wuxinji u ndzi hlamula.+
8 Na yi wulawula hi wena, a mbilu ya mina yi te:
“Hlotani a nghohe ya mina.”
O Jehovha, ndzi ta hlota a nghohe ya wena.+
9 U nga ndzi fihleli a nghohe ya wena.+
U nga hlongoli a nandza ga wena zangeni ya wena.
Wena u muvhuni wa mina;+U nga ndzi rivali ne u nga ndzi tsiki, O Nungungulu wa kuhanyiswa ka mina.
10 Hambu loku a papayi wa mina ni mamani wa mina vo ndzi tsika,+Jehovha i ta ndzi rola.*+
11 O Jehovha, ndzi gondzise ndleleni ya wena,+U ndzi rangela ndleleni ya kululama hi kota ya valala va mina.
12 U nga ndzi nyikeli canjeni ga valala va mina,+Hakuva a vakustumunyu va mawunwa va ndzi vhukela,+Niku va ndzi dzukisela hi tihanyi.
13 Na ndzi hi kwihi mina loku ndzi wa nga kholwangiLezvaku ndzi ta wona a wunene ga Jehovha tikweni ga vahanyako?*+
14 Rindzela Jehovha;+Tiya hlanha, u tiya mbilwini.+
Ina, rindzela Jehovha.
Mitlhamuselo ya lahasi
^ Kutani: “wutshamu gakwe go basa”.
^ Kutani: “Ndzi ta mu chayela muzka”.
^ Kutani: “amukela”.
^ Zvi nga maha na zvi wula ku: “Hakunene ndza kholwa lezvaku ndzi ta wona a wunene ga Jehovha tikweni ga vahanyako”.