Tisimu 28:1-9
-
A mukhongelo wa mutsali wa tisimu wu zwiwa
-
“Jehovha i ntamu wa mina ni citlhangu ca mina” (7)
-
Lisimu la Dhavhidha.
28 O Jehovha, Ribye ga mina, ndza rila ka wena;+U nga ndzi vhaleli a ndleve ya wena.
Loku u ndzi miyelela,Ndzi ta ku khwatsi hi lava va relelako nkeleni.*+
2 Zwana a kukhongotela ka mina a cikhati ndzi ku rilelako na ndzi kombela ku vhuniwa,Laha ndzi tlakusako a mandla ya mina ma kongoma kwartwini ya lomu cikari ka wutshamu ga wena go basa.+
3 U nga ndzi kukuleti zvin’we ni vawonhi ni vamahi va kubiha,+Lava va wulawulako a timhaka ta kurula ka vanghana vabye kuveni a kubiha ku timbilwini tabye.+
4 Va tlhelisele mitiro yabye,+Maringano ni zvimaho zvabye zva kubiha.
Va chachazele hi kuya hi mitiro ya mandla yabye,Maringano ni lezvi va zvi mahileko.+
5 Hakuva a va cheli kota hi mitiro ya Jehovha,+Hambu hi ntiro wa mandla yakwe.+
I ta va hahlula niku a nga ta va aka.
6 Jehovha i wa dhumiswe,Hakuva i zwile a kukhongotela ka mina ka ku lava ku vhuniwa.
7 Jehovha i ntamu wa mina+ ni citlhangu ca mina;+A mbilu ya mina yi tsumba yena.+
I ndzi vhunile, niku a mbilu ya mina ya tsaka;Hikwalaho, ndzi ta mu dhumisa hi lisimu la mina.
8 Jehovha i ntamu wa vanhu vakwe;I khokhola gi nehako kuhanyisa ka hombe ka a totilweko wakwe.+
9 Ponisa a vanhu va wena, u katekisa a tshomba ya wena.+
Va rise, u va tlakula mawokweni ya wena kala kupindzuka.+
Mitlhamuselo ya lahasi
^ Kutani: “cilahleni”.
