Tisimu 29:1-11
Lisimu la Dhavhidha.
29 Nyikani Jehovha lezvi zvi mu fanelako, n’wina vana va tinhenha;Nyikani Jehovha lezvi zvi mu fanelako hi kota ya kungangamela kakwe ni ntamu wakwe.+
2 Nyikani Jehovha a wudzundzo legi gi fanelako a vito gakwe.
Khizamelani* Jehovha na mu bohile a tinguwo to basa.*
3 A gezu ga Jehovha ga zwiwa le hehla ka mati;A Nungungulu wa kungangamela wa dzindza.+
Jehovha i le hehla ka mati yo tala.+
4 A gezu ga Jehovha gi na ni ntamu;+A gezu ga Jehovha ga ngangamela.
5 A gezu ga Jehovha ga tshoveletela a misedhare;Ina, Jehovha wa gangandzela a misedhare ya Lebhanoni.+
6 I maha ku Lebhanoni* a khana a ku khwatsi i role,Ni Siriyoni+ a ku khwatsi cihon’wana ca khwati.
7 A gezu ga Jehovha giba hi malangavi ya ndzilo;+
8 A gezu ga Jehovha gi rurumelisa a ciwula.+Jehovha i rurumelisa a ciwula ca Kadhexe.+
9 A gezu ga Jehovha gi rurumelisa a hlangu yi pswala,Gi hahlulela a makhwati.+
Vontlhe va nga tempeleni yakwe ve ngalo: “Wudzundzo!”
10 Jehovha i tshamile citshan’wini ca wuhosi hehla ka mati ya ndambi;*+Jehovha i tshamile citshan’wini ca wuhosi kota Hosi kala kupindzuka.+
11 Jehovha i ta va nyika ntamu a vanhu vakwe.+
Jehovha i ta katekisa a vanhu vakwe hi kurula.+
Mitlhamuselo ya lahasi
^ Kutani: “Khozelani”.
^ Zvi nga maha na zvi wula ku: “hi kota ya kungangamela ka kubasa kakwe”.
^ Zvi wonekisa ku khwatsi ku wuliwa a wutshamu ga zvitsunga ga Lebhanoni.
^ Kutani: “ka bimbi ga le tilweni”.
