Tisimu 30:1-12
-
A cirilo ci hundzuka civa litsako
-
A tipswalo ta Nungungulu ta wutomi gontlhe (5)
-
Lisimu la Dhavhidha. Lisimu la kukanguliwa ka yindlu.
30 O Jehovha, ndzi ta ku kulisa hakuva u ndzi tlakusile;A wu tsikangi a valala va mina va giyagiya ha mina.+
2 O Jehovha, Nungungulu wa mina, ndzi ku rilele ndzi kombela ku vhuniwa, wena u ndzi hanyisa.+
3 O Jehovha, u ndzi humesile* Cilahleni.*+
U ndzi hlayisile ndzi hanya, u ndzi vhikela ndzi nga weli nkeleni.*+
4 Yimbelelani a tisimu ta ku dhumisa* Jehovha, n’wina vatsumbekileko vakwe;+Bongani a vito gakwe go basa;+
5 Hakuva a kuva zangeni yakwe zva cikhatana ntsena,+Kanilezvi a kuva tipswalweni takwe zva wutomi gontlhe.+
Kupeleni ka gambo ku ngava ni mihloti, kanilezvi ni mixo ku na ni mikulungwani ya kutsaka.+
6 Laha ndzi nga hi kuruleni, ndzi te:
“Ndzi nga ta tshuka ndzi tsekatsekiswa.”*
7 O Jehovha, laha ndzi nga hi tipswalweni ta wena, u ndzi mahile ndzi tiya a ku fana ni citsunga.+
Kanilezvi laha u nga fihla a nghohe ya wena, ndzi no chava.+
8 O Jehovha, ndzi tshama hi ku ku vitana;+Ndzi tshama hi ku khongotela wena Jehovha, lezvaku u ndzi mahela wuxinji.
9 I bhindzu muni gi nga kona loku ndzifa,* ndzi relela nkeleni* ke?+
A ntshuri wu ta ku dhumisa ke?+ Ina a ntshuri wu ta hlawutela a kutsumbeka ka wena ke?+
10 O Jehovha, ndzizwe u ndzi mahela wuxinji.+
O Jehovha, maha muvhuni wa mina.+
11 U hundzulile a cirilo ca mina civa kukina;U ndzi tlhatlhile a tisakwa, u ndzi ambexa a kutsaka,
12 Kasi ndzi yimbelela ndzi ku dhumisa, ndzi nga miyeli.
O Jehovha, Nungungulu wa mina, ndzi ta ku dhumisa kala kupindzuka.
Mitlhamuselo ya lahasi
^ Kutani: “tlakusile”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “cilahleni”.
^ Kutani: “Mu chayeleni muzka”.
^ Kutani: “dhedhereka”.
^ Hi kukongoma: “nkhateni wa mina”.
^ Kutani: “cilahleni”.
