Tisimu 33:1-22
33 Kulungelani hi kutsaka, n’wina valulamileko, hi kota ya Jehovha.+
Zva fanela ku a valulamileko va mu dzundza.
2 Bongani Jehovha hi citende;Yimbelelani a tisimu ta ku mu dhumisa* hi cichaya-chaya ca 10 wa tingoti.
3 Mu yimbeleleni lisimu liswa;+Chayani tingoti ti nandziha na mu kulungela hi kutsaka.
4 Hakuva a mhaka ya Jehovha yi lulamile,+Niku zvontlhe a mahako zvi tsumbekile.
5 I randza kululama ni nongameto.+
A misava yi tele hi lirandzo li nga mbheliko la Jehovha.+
6 A matilo ma mahilwe hi gezu ga Jehovha,+Ni zvontlhe zvi nga ka wona* hi moya wa* nomu wakwe.
7 I wungeletela a mati ya bimbi a ku khwatsi i dhamu;*+I veka a mati ma vhindlukileko lomu matshaleni.
8 A misava yontlhe yi wa chave Jehovha,+
Ni vahanyi va laha misaveni va wa rurumele mahlweni kakwe.
9 Hakuva i wulile, zvi maheka;+I no laya, zvontlhe zvi yima zvi tiya.+
10 Jehovha i thindile a zvikungo* zva matiko,+A hohlola a makungo* ya mifumo.+
11 Kanilezvi a zviboho* zva Jehovha zvi ta tiya kala kupindzuka;+Ni maalakanyo ya mbilu yakwe ma simama ka cizukulwana ni cizukulwana.
12 Ga tsaka a tiko legi Jehovha a nga Nungungulu wa gona,+A vanhu lava a va hlawulileko lezvaku vava tshomba yakwe.+
13 Jehovha i cuwuka lahasi na a hi le tilweni;I wona vontlhe a vana va vanhu.+
14 Na a hi kwale a tshamako kona,I cuwuka a vahanyi va misava.
15 Hi yena a wumbako a timbilu ta vontlhe;I hlola a mitiro yabye yontlhe.+
16 A ku na hosi yi ponisiwako hi kuva ni butho ga hombe,+Ni nhenha a yi ponisiwi hi ntamu wa yona wa hombe.+
17 A ku tsumba ku hanyiswa* hi haxi kutsumba ka mahala;+Ni ntamu wa gona wa hombe a hi citiyisekiso ca kupona.
18 A matihlo ya Jehovha ma cuwukisela lava va mu chavako,+Lava va rindzelako a lirandzo lakwe li nga mbheliko,
19 Kasi a va tlhatlhisa* kufeniNi ku va hlayisa cikhatini ca ndlala.+
20 Hina hi* rindzela Jehovha.
Hi yena muvhuni wa hina ni citlhangu ca hina.+
21 A timbilu ta hina ti tsakela yena,Hakuva hina hi tsumba a vito gakwe go basa.+
22 O Jehovha, a lirandzo la wena li nga mbheliko li wa tshame hehla ka hina,+Laha hi simamako ku rindzela wena.+
Mitlhamuselo ya lahasi
^ Kutani: “Mu chayeleni muzka”.
^ Hi kukongoma: “Ni mabutho ya wona wontlhe”.
^ Kutani: “hi kuhefemula ka”.
^ Kutani: “barragem”.
^ Kutani: “maalakanyo”.
^ Kutani: “wusungukati”.
^ Kutani: “wusungukati”.
^ Kutani: “ku hlula”.
^ Kutani: “a tlhatlhisa muhefemulo wabye”.
^ Kutani: “A mihefemulo ya hina yi”.