Tisimu 35:1-28
Lisimu la Dhavhidha.
35 O Jehovha, yimela a mhaka ya mina ka lava va ndzi vhukelako;+Lwana ni lava va lwako na mina.+
2 Teka a citlhangu ca wena leci ca citsongwani* ni leci ca hombe,+U suka u ndzi yimela.+
3 Tlakusa a tlhari ga wena ni chapo ga wena ga yimpi* ulwa ni lava va ndzi hlongoliselako.+
Wula ka mina,* uku: “Ndzi kuhanyisa ka wena.”+
4 Lava va hlotako a wutomi* ga mina va wa wisiwe tingana va koramiswa,+
Ni lava va xuxako cikungo ca ku ndzi lovisa va wa hlehle na vawa tingana.
5 Va wa fane ni mungu* wu kukuletwako hi moya;A ngilozi ya Jehovha yi wa va hlongole.+
6 A ndlela yabye yi wa phume yi tlhela yi retemukaLaha a ngilozi ya Jehovha yi va hlongoliselako.
7 Hakuva va ndzi dembele ntlhamu* mahala kasi va ndzi phasa;Va ndzi kelele nkele mahala.
8 Ngha a khombo gi va wela hi citshuketi;Va wa phasiwe hi ntlhamu* lowu va nga demba;Va wa wele ka wona va lova.+
9 Kanilezvi mina ndzi* ta tsakela Jehovha,Ndzi nengela a mitiro yakwe ya kuhanyisa.
10 A marambu ya mina wontlhe ma taku:
“O Jehovha, himani a fanako na wena?
Wa tlhatlhisa a muxaniseki mandleni ya lava va ntamu,+U tlhatlhisa a muxaniseki ni cisiwana ka lava va va yivelako.”+
11 A vakustumunyu va kubiha vata+Va ta ndzi wutisela zvilo zva ku a ndzi zvi tivi.
12 Va ndzi tlhelisela a wunene hi kubiha,+Va ndzi maha ndzi ku khwatsi ndzi no felwa.*
13 Kanilezvi laha va nga kari va babya, ndzi wa boha a tisakwa;Ndzi wa ti xanisa* hi kupfhunga,*Ni loku a mukhongelo wa mina wu nga hlamuliwi,
14 Ndzi wa famba na ndzi rila a ku khwatsi ndzo rila a munghana wa mina kutani makabye wa mina;Ndzi wa korama hi kubayiseka, a ku khwatsi munhu a rilako a mamani wakwe.
15 Kanilezvi a cikhati leci ndzi nga khunguvanyeka, va no tsaka va tsombana;Va no tsombana kasi va ndzi juma, va ndzi vhukela;Va no ndzi phatlulela niku a va miyelangi.
16 A vakubiha va ndzi poyila va tlhela va ndzi chepeta,*Va ndzi getselela matino.+
17 O Jehovha, kala rini na wa ha zvi cuwukela basi?+
Ndzi tlhatlhise* ka kuvhukela kabye,+U tlhatlhisa a wutomi ga mina ga lisima ka zvinghalana.*+
18 Andzhako ka lezvo, ndzi ta ku bonga lomu bandleni ga hombe,+Ndzi ku dhumisa cikari ka citshungu ca hombe.
19 U nga va tsiki va giyagiya ha mina lava va nga valala va mina na ku nga hi na cigelo;U nga tsiki lava va ndzi vengako mahala+ va copeta matihlo yabye hi zvakubiha.+
20 Hakuva a va wulawuli timhaka ta kurula,Kanilezvi, hi kukanganyisa, va luka cikungo ca ku vhukela a vanhu va kurula va lomu tikweni.+
21 Va ahlama a minomu yabye va ndzi lumbeta,Vaku: “Ehe! Khawula! A matihlo ya hina ma zvi wonile.”
22 U zvi wonile, wena Jehovha. U nga miyeli.+
O Jehovha, u nga tshameli kule na mina.+
23 Vhuka, u suka u ndzi lwela,O Jehovha, Nungungulu wa mina, yimela a mhaka ya mina.
24 O Jehovha, Nungungulu wa mina, ndzi lamule maringano ni kululama ka wena;+U nga va tsike va giyagiya ha mina.
25 Va nga tshuki va ti byela, vaku: “Ehe! Hi zvi kotile lezvi hi nga zvi lava.”
Va nga tshuki vaku: “Hi mu mitile.”+
26 Vontlhe va wa wisiwe tingana, va dhana,Lava va giyagiyako hi kota ya khombo legi gi ndzi weleko.
Lava va ti tlakusako hehla ka mina va wa ambale tingana ni kukoramiswa.
27 Kanilezvi lava va tsakelako a kululama ka mina va wa kulungele hi kutsaka;Contlhe cikhati va wa wule, vaku:
“I wa dhumiswe Jehovha, loyi a tsakako hi kurula ka nandza gakwe.”+
28 Makunu a lirimi la mina li ta hlawutela* a kululama ka wena+Li tlhela li ku dhumisa gontlhe siku.+
Mitlhamuselo ya lahasi
^ Kutani: “ngenge”, citlhangu ca citsongwani ci nga tala ku tiriswa hi van’wamawura.
^ Kutani: “chapo ga ku tsema seno ni seno”.
^ Kutani: “muhefemulo wa mina”.
^ Kutani: “muhefemulo”.
^ A mungu hi lezvi zvi humako a cikhati leci va tsutsutako timbewu.
^ Hi kukongoma: “likoka”.
^ Hi kukongoma: “likoka”.
^ Kutani: “a muhefemulo wa mina wu”.
^ Kutani: “Va ndzi maha ndzizwa ciwundza”.
^ Kutani: “xanisa muhefemulo wa mina”.
^ Kutani: “kujejuwara”.
^ Zvi nga maha na zvi wula ku: “A vakubiha va ndzi poyila hi ku fela pawa”.
^ Kutani: “Tlhatlhisa muhefemulo wa mina”.
^ Kutani: “zvinghalana zva malevhu”.
^ Kutani: “ehleketa”.
