Tisimu 36:1-12
Ka muchuli. Lisimu la Dhavhidha, a nandza ga Jehovha.
36 A cihambunyeto ca wulawula mbilwini ya wakubiha;A ku na kuchava Nungungulu matihlweni yakwe.+
2 Hakuva kuwoneni kakwe i ti wona na a hi wa lisima nguvhu,Laha ka kuza a nga poli a cigoho cakwe, a ci venga.+
3 A magezu ya nomu wakwe ma tlhava ni ku kanganyisa;A nga na wutlhari ga ku maha zvazvinene.
4 I xuxa zvikungo zva kubiha hambu mubhedhini wakwe.
I ti hlawulele ndlela yo kala yi nga hi yinene;A nga vengi zvakubiha.
5 O Jehovha, a lirandzo la wena li nga mbheliko la chikela le matilweni,+Ni kutsumbeka ka wena le marefini.
6 A kululama ka wena ku fana ni zvitsunga zva hombe,*+Ni kulamula ka wena ku fana ni mati yo tala ma etileko.+
O Jehovha, wena wa hlayisa* a munhu ni cihari.+
7 O Nungungulu, a lirandzo la wena li nga mbheliko la lisima nguvhu!+
A vana va vanhu va chavela lomu ndzhutini wa tipapa ta wena.+
8 Va xura hi zvakuga zvo nona* zva yindlu ya wena,+U tlhela u va nwisa a micongo ya kutsaka ka wena.+
9 A cibuka ca wutomi ci le ka wena;+Hi kota ya kuwonekela ka wena ha wona kuwonekela.+
10 Simama ku va kombisa a lirandzo li nga mbheliko lava va ku tivako,+Ni kululama ka wena, ka lava va timbilu ti lulamileko.+
11 U nga tsiki a nkondzo wa munhu wa matshandza wu ndzi kandzihetela,Kutani canja ga wakubiha gi ndzi hlongola.
12 A vamahi va kubiha va wele laho;Va wisilwe lahasi, va nga ta ha vhuka.+
Mitlhamuselo ya lahasi
^ Kutani: “zvitsunga zva Nungungulu”.
^ Kutani: “ponisa”.
^ Hi kukongoma: “mafura”.
