Tisimu 37:1-40
-
Lava va tsumbako Jehovha va ta vhuvhuma
Lisimu la Dhavhidha.
א [álefe]
37 U nga zangari hi kota ya vakubihaHambu ku lusela a vamahi va kubiha.+
2 Va ta hatla va woma a ku fana ni byanyi,+Va wuna a ku fana ni byanyi go nyuka.
ב [bete]
3 Tsumba Jehovha, u maha zvazvinene;+Hanya laha misaveni,* u tsumbeka.+
4 Kuma litsako la hombe ka Jehovha;Yena i ta ku nyika a kuxuva ka mbilu ya wena.
ג [guímel]
5 Nyikela a ndlela ya wena* ka Jehovha;+Mu tsumbe, i ta ku vhuna.+
6 I ta maha a kululama ka wena ku woninga a ku fana ni kuca,Ni nongameto wa wena a ku fana ni gambo ga laha hlikanhini.
ד [dálete]
7 Miyela mahlweni ka Jehovha+U mu rindzela hi lihlazva-mbilu.
U nga zangari hi kota ya munhuLoyi a humelelako ka zvikungo zvakwe zva kubiha.+
ה [hê]
8 Tsika zanga, u fularela khulo;+U nga zangari, u hundzuluka u maha zvakubiha.*
9 Hakuva a vakubiha va ta lovisiwa,+Kanilezvi lava va rindzelako ka Jehovha va taga tshomba ya misava.+
ו [vau]
10 Ka ha hi cikhatanyana, a vakubiha va nga ta hava kona;+U ta cuwuka lomu va nga tshama kona,Kanilezvi va nga tava kona.+
11 Kanilezvi a vakurula va taga a tshomba ya misava,+Va ti buza hi litsako la hombe kuruleni ka hombe.+
ז [zaine]
12 A wakubiha i luka mano ya ku vhukela a wakululama,+A mu getselela matino.
13 Kanilezvi Jehovha wa mu hleka,Hakuva wa zvi tiva lezvaku a siku gakwe gata.+
ח [hete]
14 A vakubiha va hlomula a zvipadha zvabye, va kondla* a mawura yabyeKasi va wisa a muxaniseki ni cisiwana,Ni ku daya lava a ndlela yabye yi lulamileko.
15 Kanilezvi a cipadha cabye ci ta tlhava a timbilu ta vona venyi;+Ni mawura yabye ma ta tshoveletelwa.
ט [tete]
16 I chukwana zvilo zvi tsongwani zva munhu wa kululama,A ku hundza zvilo zvo tala zva vanhu vo tala va kubiha.+
17 Hakuva a mawoko ya vakubiha ma ta tshoviwa,Kanilezvi Jehovha i ta seketela a valulamileko.
י [iode]
18 Jehovha wa zvi tiva lezvi zvi humelelako lava va nga solekiko,*Ni tshomba yabye yi ta tshama kala kupindzuka.+
19 Va nga ta wisiwa tingana cikhatini ca khombo;Cikhatini ca ndlala va tava ni zvakuga zvo tala.
כ [cafe]
20 Kanilezvi a vakubiha va ta lova;+A valala va Jehovha va ta nyamalala a ku khwatsi wuriselo ga ginene;Va ta nyamalala a ku fana ni musi.
ל [lâmede]
21 A wakubiha i pemba a nga tlhelisi,Kanilezvi a wakululama wa hana* a tlhela a nyika.+
22 Lava va katekisilweko hi Nungungulu va taga a tshomba ya misava,Kanilezvi lava va rukatelweko hi Nungungulu va ta lovisiwa.+
מ [meme]
23 Jehovha wa rangela* a mazambo ya munhu+Loku a tsakiswa hi ndlela yakwe.+
24 Hambu loku awa, a nga ta hoxiwa lahasi,+Hakuva Jehovha wa mu khoma hi canja.*+
נ [nune]
25 Ndzi wa hi jaha, makunu ndzi khosahele,Kanilezvi a ndzi se tshuka ndzi wona a wakululama na a tsikilwe,+Ne hambu a vana vakwe na va kombela pawa.*+
26 I pembisa hi matsenya contlhe cikhati,+Ni vana vakwe va ta katekiswa.
ס [sâmeque]
27 Fularela zvakubiha u maha zvazvinene,+U ta hanya kala kupindzuka.
28 Hakuva Jehovha wa randza kululama,A nga ta tshuka a tsika a vatsumbekileko vakwe.+
ע [aine]
Contlhe cikhati va ta vhikelwa;+Kanilezvi a pswalo wa vakubiha wu ta lovisiwa.+
29 A valulamileko va taga tshomba ya misava,+Va hanya ka yona kala kupindzuka.+
פ [pê]
30 A nomu wa munhu a lulamileko wu humesa wutlhari,*Ni lirimi lakwe li wulawula hi kululama.+
31 A nayo wa Nungungulu wakwe wu lomu mbilwini yakwe,+Ni mikondzo yakwe yi nga ta dhedhereka.+
צ [tsadê]
32 A wakubiha i cuwukela a wakululama,A hlota ku mu daya.
33 Kanilezvi Jehovha a nga ta mu tsika a wela canjeni gakwe+Hambu ku mu nyika nandzu kulamulweni.+
ק [cofe]
34 Rindzela Jehovha u landzela a ndlela yakwe,I ta ku tlakusa kasi uga a tshomba ya misava.
A cikhati leci a vakubiha va to lovisiwa,+ u ta zvi wona.+
ר [rexe]
35 Ndzi wonile a munhu wa kubiha ni wa xapiNa a nava a ku fana ni sinya yo tlhuma yi nga ka misava leyi yi nga milela ka yona.+
36 Kanilezvi i no nyamalala hi citshuketi, a lova;+Ndzi no simama ku mu lavetela, kanilezvi a ndzi mu kumangi.+
ש [chim]
37 Cuwuka loyi a nga solekiko,*U cuwukisisa a munhu wa kululama,+Hakuva a wumandziko ga munhu loye gi tava ni kurula.+
38 Kanilezvi vontlhe a vahambunyeti va ta lovisiwa;A magumo ya vakubiha kuloviswa.+
ת [tau]
39 A kuhanyiswa ka valulamileko kuta hi ka Jehovha;+I khokhola gabye cikhatini ca zvikarato.+
40 Jehovha i ta va vhuna, a va tlhatlhisa.+
I ta va tlhatlhisa ka loyi wakubiha, a va ponisa,Hakuva va chavele kakwe.+
Mitlhamuselo ya lahasi
^ Kutani: “tikweni”.
^ Hi kukongoma: “Wumbulutela a ndlela ya wena hehla”.
^ Zvi nga maha na zvi wula ku: “U nga zangari, hakuva lezvo zvi yisa kubiheni ntsena”.
^ Kutani: “va thayitha”.
^ Hi kukongoma: “tiva masiku ya lava va nga solekiko”.
^ Kutani: “wa zwela wusiwana”.
^ Kutani: “tiyisa”.
^ Kutani: “hi canja Gakwe”.
^ Kutani: “zvakuga”.
^ Kutani: “wu wulawula wutlhari hi gezu ga lahasi”.
^ Kutani: “a hanyako hi kutsumbeka”.