Tisimu 39:1-13
Ka muchuli wa Jedhutuni.*+ Lisimu la Dhavhidha.
39 Ndzi te ngalo: “Ndzi ta wonelela a mazambo ya minaKasi ndzi nga wonhi hi lirimi la mina.+
Ndzi ta boha matomu non’wini wa mina+Loku ku hi ni wakubiha mahlweni ka mina.”
2 Ndzi wa nga wulawuli niku ndzi wa miyele;+Ndzi wa nga wulawuli ne hambu hi zvilo zva zvinene,Kanilezvi a kubayisa ka mina ku wa hi ka hombe.*
3 A mbilu ya mina yi wa hisa ndzeni ka mina.
Laha ndzi nga ehleketa,* a ndzilo a wo vhura.
Makunu a lirimi la mina li no wulawula, liku:
4 “O Jehovha, ndzi vhune ku tiva lezvi a magumo ya mina ma to tshamisa zvona,Ni ntsengo wa masiku ya mina,+Kasi ndzi tiva a kukoma ka wutomi ga mina.*
5 Hakunene a masiku u ndzi nyikileko ma tsongwani,*+Ni cikhati ca kuhanya ka mina a hi nchumu mahlweni ka wena.+
Kunene, ni wihi munhu, hambu loku a wonekisa ku khwatsi i kuruleni, kuhefemula ntsena.+ (Sela)
6 Ni wihi munhu i fambisa ku khwatsi i ndzhuti.
I tsutsuma-tsutsuma* mahala.
I hlengeletela a titshomba na a nga zvi tivi ku ti ta giwa hi mani.+
7 O Jehovha, makunu ndza ha rindzela yini?
Hi wena ntsena kutsumba ka mina.
8 Ndzi ponise ka zvihambunyeto zva mina zvontlhe.+
U nga tsiki a cipumbu ci ndzi maha cihlekiso.
9 Ndzi no miyela;A ndzi vhululangi nomu wa mina,+Hakuva hi wena u nga zvi maha.+
10 Susa a cixaniso ca wena ka mina.
Ndzi mbhelile ntamu hakuva a canja ga wena ga ndziba.
11 Wena wa kawuka munhu, u mu tsayisa hi kota ya cigoho cakwe;+Waga a zvilo lezvi a zvi nyikako lisima a ku khwatsi hi lezvi a muhlwa wu mahako.
Hakunene ni wihi munhu kuhefemula ntsena.+ (Sela)
12 O Jehovha, zwana mukhongelo wa mina,Uzwa a kurila ka mina ka ku lava ku vhuniwa.+
U nga ti vhali matihlo mahlweni ka mihloti ya mina.
Hakuva ka wena, mina ndzi muluveli ntsena,+Ndzi muendzi a hundzako a ku khwatsi hi vontlhe a vakokwani va mina.+
13 Tsika ku ndzi swola kasi ndzi tangalaNa ndzi nga se hundza ndzi n’walala.”
Mitlhamuselo ya lahasi
^ Kutani: “Kanilezvi a kubayisa ka mina ku no ronyingiwa”.
^ Kutani: “keta”.
^ Kutani: “Kasi ndzi tiva lezvaku ndza hundza hi cipswhati”.
^ Kutani: “U mahile a masiku ya mina ma ku khwatsi kuanama ka canja”.
^ Hi kukongoma: “I vanga guwa”.
