Tisimu 40:1-17
Ka muchuli. Lisimu la Dhavhidha.
40 Ndzi rindzele ka Jehovha na ndzi hi ni kutsumba;*I ndzi vhululele a ndleve yakwe,* azwa a kurila ka mina ka ku lava ku vhuniwa.+
2 I ndzi humesile lomu hloweni ya mati ma vhindlukileko,Ni lomu citivaneni ca madhaka.
I yimisile a mikondzo ya mina hehla ka ribye,A tiyisa a mazambo ya mina.
3 Andzhako ka lezvo, i no chela a lisimu liswa non’wini wa mina,+A lisimu la ku dhumisa a Nungungulu wa hina.
A vanhu vo tala va ta zvi wona na va hlamala,Va tsumba Jehovha.
4 Wa tsaka a munhu loyi a tsumbako Jehovha,Ni loyi a nga tsutsumeliko ka vahluwuki kutani ka vahembi.
5 O Jehovha, Nungungulu wa mina,A zvi no ku tala a zvilo lezvi u zvi mahileko,Ina, a mitiro ya wena yo hlamalisa ni maalakanyo ya wena hi hina.+
I hava a nga fananiswako na wena;+Loku ndzi wo zama ku yi hlawutela ni ku wulawula hi yona,Yi wa ta ndzi tsandza ku hlawutela hi kutala!+
6 A wu lavangi* miphahlo ni minyikelo,+Kanilezvi u vhululile a tindleve ta mina kasi tizwa.+
A wu kombelangi minyikelo ya kuhiswa ni minyikelo ya ciwonho.+
7 Makunu ndzi te: “Ndzi tile!
Lomu bhukwini go songiwa ku tsalilwe xungetano hi mina.+
8 O Nungungulu wa mina, zva ndzi tsakisa* a ku maha kurandza ka wena,+Ni nayo wa wena wu lomu mbilwini ya mina.+
9 Ndza huwelela a mahungu ya manene ya kululama lomu bandleni ga hombe.+
A ndzi vhali a minomu ya mina,+O Jehovha, kota lezvi u zvi tivako khwatsi.
10 A ndzi tumbeti a kululama ka wena mbilwini ya mina.
Ndza huwelela a kutsumbeka ka wena ni kuhanyisa ka wena.
A ndzi fihli a lirandzo la wena li nga mbheliko ni lisine la wena lomu bandleni ga hombe.”+
11 O Jehovha, u nga ndzi aleli a wuxinji ga wena.
Ngha a lirandzo la wena li nga mbheliko ni lisine la wena zvi ndzi hlayisa contlhe cikhati.+
12 A makhombo lawa ma ndzi randzeleko ma tele nguvhu, a zvi koteki ni ku ma hlaya.+
A zvigoho zva mina zvo tala zva ndzi rera laha ka ku a ndzi zvi koti ku wona ndlela ya mina;+Zvi tele a ku hundza a misisi ya hloko ya mina;A mbilu ya mina yi rerekile.
13 O Jehovha, maha wuxinji u ndzi ponisa.+
O Jehovha, hatlisa u ta ndzi vhuna.+
14 Ngha vontlhe lava va hlotako ku susa a wutomi* ga minaVa wisiwa tingana, va dhana.
Ngha lava va tsakako hi khombo ga minaVa hlehla na va ku koyo tingana.
15 Ngha lava va ndzi byelako ku: “Ehe! Khawula!
Va dzuka hi kota ya tingana ta vona venyi.
16 Kanilezvi lava va ku hlotako+Va wa tsake va nengela ka wena.+
Lava va randzako a mitiro ya wena ya kuhanyisa, contlhe cikhati va wa wule, vaku:
“I wa kuliswe Jehovha.”+
17 Kanilezvi mina ndzi muxaniseki ni cisiwana;Jehovha i wa chele kota hi mina.
Wena u muvhuni wa mina ni mutlhatlhisi wa mina;+O Nungungulu wa mina, u nga hlweli.+
Mitlhamuselo ya lahasi
^ Kutani: “hi lihlazva-mbilu”.
^ Kutani: “I koramile kasi a ndzi ingisela”.
^ Kutani: “tsakiswangi hi”.
^ Kutani: “ndza xuva”.
^ Kutani: “muhefemulo”.