Tisimu 41:1-13
Ka muchuli. Lisimu la Dhavhidha.
41 Wa tsaka a munhu loyi a zwelako cisiwana;+Jehovha i ta mu tlhatlhisa sikwini ga khombo.
2 Jehovha i ta mu vhikela, a mu hlayisa a hanya.
I ta wuliwa loyi a tsakileko laha misaveni.+U nga ta tshuka u mu nyikela ka kurandza* ka valala vakwe.+
3 Jehovha i ta mu tiyisa laha mubhedhini wakwe wa kubabya;+U ta wu hundzulusa hi kumbhelela a mubhedhi wakwe loku a kari a babya.
4 Hakuva ndzi te ngalo: “O Jehovha, ndzi mahele wuxinji.+
Ndzi hanyise,*+ hakuva ndzi ku wonhele.”+
5 Kanilezvi a valala va mina va wulawula kubiha hi mina, vaku:
“I tafa rini kasi a vito gakwe gi fuva?”
6 Loku a mun’we wabye ata a ta ndzi vhuxela, a mbilu yakwe yi wulawula mawunwa.
I hlengeletela zvilo zva kubiha kasi a wula,A gumesa a huma a ya zvi hangalasa.
7 Vontlhe lava va ndzi vengako va hlevelana;Va xuxa cikungo ca kubiha hi mina, vaku:
8 “I welwe hi khombo go tshisa;Lezvi a wileko, a nga ta ha vhuka kambe.”+
9 Hambu loyi a nga hi kuruleni na mina, loyi ndzi nga mu tsumba,+Loyi a ngaga pawa ya mina, i ndzi jikele.*+
10 Kanilezvi wena Jehovha, ndzi mahele wuxinji u ndzi tlakusaKasi ndzi fela ku va tlhelisela.
11 Ndzi ta zvi tivisa lezvi a ku wa xalala hi mina:
Loku a nala wa mina a nga yimbeleli a giyagiya ha mina.+
12 Kanilezvi wena wa ndzi seketela hi kota ya kutsumbeka ka mina;+U ta ndzi veka mahlweni ka wena kala kupindzuka.+
13 Ngha Jehovha, a Nungungulu wa Izrayeli, a dhumiswa,Kusukela kupindzukeni kala kupindzuka.*+
Amen ni Amen.
Mitlhamuselo ya lahasi
^ Kutani: “kuxuva; muhefemulo.” Wona Tlhamuselo wa magezu ya Bhibhiliya.
^ Kutani: “Hanyisa muhefemulo wa mina”.
^ Kutani: “i ndzi tlakusele cirendze”.
^ Kutani: “Kupindzukeni kontlhe”.
