Lisimu 44:1-26
Ka muchuli. Maxili* ya vana va Kora.+
44 O Nungungulu, hi zvi zwile hi tindleve ta hina.A vakokwani va hina va hi hlawutele+A zvilo lezvi u zvi mahileko masikwini yabye,Masikwini ya kaleloko.
2 U hlongolile matiko hi canja ga wena,+U veka a vakokwani va hina lomo.+
U chindzile a matiko, u ma hlongola.+
3 A va tekangi a tiko hi cipadha ca vona venyi+Ne a va hlulangi hi woko ga vona venyi.+
Kanilezvi kuve hi canja ga wena ga cinene, ni woko ga wena,+ ni kuwonekela ka nghohe ya wena;Hakuva u wa xalala hi vona.+
4 O Nungungulu, wena u Hosi ya mina;+Laya lezvaku Jakobe a hlula hi kumbhelela.*
5 Hi ntamu wa wena, hi ta hlongola valala va hina;+Vitweni ga wena, hi ta kandzihetela lava va hi vhukelako.+
6 Hakuva a ndzi tsumbi a wura ga mina,Ne a cipadha ca mina a ci nge ndzi ponisi.+
7 Hi wena u hi ponisileko ka valala va hina.+Hi wena u nga va wisa tingana lava va hi vengako.
8 Hi ta dhumisa Nungungulu a siku gontlhe,Hi tlhela hi bonga a vito gakwe kala kupindzuka. (Sela)
9 Kanilezvi makunu u hi hoxile, u hi wisa tingana,A wa ha humi zvin’we ni mabutho ya hina.
10 U hi maha hi hlehla mahlweni ka valala va hina.+Lava va hi vengako va hi phanga ni cihi va ci lavako.
11 Wena wa hi nyikela kasi hi khadamuliwa a ku fana ni tiyivhu;U hi hangalasile cikari ka matiko.+
12 U xavisile a vanhu va wena hi ntsengo wu nga siziko nchumu;+A wu bhindzulangi nchumu hi kuxavisa loko.*
13 U hi maha ciruko ka vaakelani va hina,Hi hlekiwa hi tlhela hi poyilelwa hi vontlhe lava va hi randzeleko.
14 U hi maha cihlekiso* cikari ka matiko,+Hiva nchumu wa ku a mifumo yi wu ninginisela a tihloko.
15 Gontlhe siku ndzi tshama na ndzi tsakamile hi tingana;Ndzi fenengetilwe hi tingana ta mina,
16 Hi kota ya gezu ga loyi a ndzi poyilako ni ku ndzi rukatela,Hi kota ya nala wa hina loyi a ti photelako.
17 Zvontlhe lezvi zvi hi wele, kanilezvi a hi ku rivalangi,Ne a hi tshovangi a civhumelwano ca wena.+
18 A timbilu ta hina a ti hambukangi,Ni mazambo ya hina a ma humangi ndleleni ya wena.
19 Kanilezvi wena u hi pfotlosile lomu ku hanyako makhanga;U hi fenengetile hi munyama wo tshisa.
20 Loku hi rivele a vito ga Nungungulu wa hinaNi loku hi nawulutile a mandla ya hina hi khongela ka nungungulu wa matiko,
21 Nungungulu a nga ta zvi tiva ke?
Yena wa zvi tiva a zvihundla zva mbilu.+
22 Hi kota ya wena ha dawa gontlhe siku;Hi woniswa ku khwatsi hi tiyivhu ti yako kudaweni.+
23 O Jehovha, vhuka! Hikuyini wa ha etlelako?+
Khindlimuka! U nga hi hoxeli magumo.+
24 Hikuyini u fihlako a nghohe ya wena?
Hikuyini u rivalako a kukarateka ka hina ni kuxaniswa ka hina ke?
25 Hakuva hi* wisilwe lahasi ntshurini;A mimiri ya hina ya tshikelelwa lahasi.+
26 Suka u hi vhuna!+
Hi tlhatlhise hi kota ya lirandzo la wena li nga mbheliko.+
Mitlhamuselo ya lahasi
^ Kutani: “Mu nyike a kuhanyisa ka hombe Jakobe”.
^ Kutani: “hi ntsengo lowu u va xavisileko hi wona”.
^ Hi kukongoma: “vingu”.
^ Kutani: “a mihefemulo ya hina yi”.
