Tisimu 45:1-17
Ka muchuli wa “Makhon’wa”. Maxili* ya vana va Kora.+ Lisimu la lirandzo.
45 A mbilu ya mina ya pupuma hi nchumu wa wunene.
Ndzi ngalo: “A lisimu la mina* li wulawula hi hosi.”+
A lirimi la mina li wa mahe limbave+ la mukopiyi* wo tlhariha.+
2 Wena u sasekile nguvhu a ku hundza vontlhe a vana va vanhu.
Lomu minon’wini ya wena ku khulunga a timhaka to nandziha.+
Hikwalaho, Nungungulu i ku katekisile kala kupindzuka.+
3 Wena nhenha,+ tlhomeka a cipadha ca wena nyongeni ya wena,+U ambala a wudzundzo ni kungangamela.+
4 Huma hi kungangamela ka wena, uya kuhluleni;+Khilela a haxi ga wena hi kota ya lisine, ni kutikoramisa, ni kululama;+Ni canja ga wena ga cinene gi ta maha* a mitiro yo hlamalisa.
5 A mipaxa ya wena ya kariha, yi wisa matiko mahlweni ka wena;+Ya tlhava a timbilu ta valala va hosi.+
6 Nungungulu citshamu ca wena ca wuhosi kala kupindzuka ni kupindzuka;+A nhonga ya wuhosi ya mufumo wa wena i nhonga ya wuhosi ya kululama.*+
7 U randzile kululama,+ u venga kubiha.+
Hi cigelo leco Nungungulu, a Nungungulu wa wena, i ku totile+ hi mafura ya litsako+ a ku hundza vanghana va wena.
8 Tontlhe a tinguwo ta wena ti nuhela a mira, ni mhangani, ni kasiya;U tsakisiwa hi zvichaya-chaya zva tingoti lomu ndlwini ya hombe ya wuhosi yi sasekiselweko hi matino ya ndlovhu.
9 A vanhanyana va tihosi va cikari ka vavasati va wena vo dzundzeka.
A muzindza* i yimile reveni ga wena ga cinene na a sasekiselwe hi ouro ya Ofira.+
10 O nhanyana, ingisela, u demba ndleve, u kangatela a ndleve ya wena;Rivala va ka n’wina ni va yindlu ya papayi wa wena.
11 A hosi yi ta kokiwa hi kusaseka ka wena,Hakuva yona i hosi ya wena,Hikwalaho, yi khizamele.
12 A nhanyana wa le Tire i tata ni cinyikiwo;A zviganyi zvi ta lava ku kuma thomo ka wena.*
13 A nhanyana wa hosi wa ngangamela lomu ndlwini ya wuhosi.A tinguwo takwe ti sasekiselwe hi ouro.
14 I ta tisiwa mahlweni ka hosi na a bohile a tinguwo ti rungilweko khwatsi.*
A vanghana vakwe va vanhwana,* lava va mu landzelako, va tisiwa mahlweni ka wena.
15 Va ta tisiwa na va kulungela hi kutsaka;Va ta nghena lomu ndlwini ya wuhosi.
16 A vana va wena va ta teka a cikhundla ca vakokwani va wena.
U ta va yimisa lezvaku vava tihosana misaveni yontlhe.+
17 Ndzi ta tivisa a vito ga wena zvizukulwaneni zvontlhe zva ha tako.+
Hikwalaho, a matiko ma ta ku dhumisa kala kupindzuka ni kupindzuka.
Mitlhamuselo ya lahasi
^ Kutani: “A mitiro ya mina”.
^ Kutani: “mutsali”.
^ Hi kukongoma: “gi ta ku gondzisa”.
^ Kutani: “nongameto”.
^ Kutani: “zvi ta olovisa a nghohe ya wena”.
^ Zvi nga maha na zvi wula ku: “tinguwo ti bhordharilweko”.
^ Kutani: “virgens”.
