Lisimu 46:1-11
Ka muchuli. Lisimu la vana va Kora+ hi Alamote.*
46 Nungungulu wuchavelo ga hina ni ntamu wa hina,+Civhuno ci tekelako ku kumiwa zvikhatini zva zvikarato.+
2 Hikwalaho, hi nga ta chava nchumu hambu loku a misava yi hundzuluka,Ni loku a zvitsunga zvi wela kueteni ka bimbi.+
3 Hambu loku a mati ya gona ma dzindza, ma hlata khuvi,+Ni loku a kuvhindluka ka gona ku tsekatsekisa a zvitsunga. (Sela)
4 Ku na ni congo lowu a minonga ya kona yi tsakisako a dhoropa ga Nungungulu,+A tabhernakeli ga hombe go basa ga Loyi a Tlakukileko ku Hundza Vontlhe.
5 Nungungulu i lomu dhoropeni;+ a gi nge hahluliwi.
Nungungulu i tata a ta gi vhuna laha kuceni.+
6 A matiko ma wa hi ka gujeguje, a mifumo yi hahlulilwe;I tlakusile a gezu gakwe, a misava yi nyeka.+
7 Jehovha wa mabutho i na hina;+A Nungungulu wa Jakobe wuchavelo ga hina go tiya.* (Sela)
8 Tanani mu ta kustumunya a mitiro ya Jehovha,Lezvi a nga mahisa zvona a zvilo zvo hlamalisa laha misaveni.
9 I fuvisa a tiyimpi misaveni yontlhe.+
Wa tshova a wura, a phatlulela a tlhari;I hisa a tikareta* ta yimpi ndzilweni.
10 “Ti nyikeleni, mu tiva lezvaku mina ndzi Nungungulu,
Ndzi ta tlakusiwa cikari ka matiko;+Ndzi ta tlakusiwa laha misaveni.”+
11 Jehovha wa mabutho i na hina;+Nungungulu wa Jakobe wuchavelo ga hina go tiya.+ (Sela)
Mitlhamuselo ya lahasi
^ Kutani: “khokhola ga hina gi tlakukileko”.
^ Zvi nga maha na zvi wula ku: “zvitlhangu”.
