Tisimu 48:1-14
Lisimu. Lisimu la vana va Kora.+
48 Jehovha wa hombe niku wa ringanelwa nguvhu hi ku dhumisiwaDhoropeni ga Nungungulu wa hina, citsungeni cakwe co basa.
2 A kutlakuka ka cona ku sasekile, a kutsaka ka misava yontlhe,+Leco Citsunga ca Ziyoni ci nga tlhelweni ga n’walungu,*A dhoropa ga Hosi ya Hombe.+
3 Lomu tikhokholeni* ta gona ti tiyisilweko khwatsi,Nungungulu i kombile lezvaku yena wuchavelo go tiya.*+
4 Hakuva a tihosi ti tsombene;*Ti fambile zvin’we.
5 A cikhati ti nga gi wona, ti no hlamala.
Ti no chava ti tsutsuma na ti rurumela.
6 Ti no khon’wa hi kuchava laho,Tizwa kubayisa ko khwatsi ka wasati a pswalako.
7 Hi moya wa cikobani* u pandza a zvitimela* zva Tarxixi.
8 Lezvi hi nga kari hi zvizwa, makunu hi zvi wonile ha hoceLomu dhoropeni ga Jehovha wa mabutho, dhoropeni ga Nungungulu wa hina.
Nungungulu i ta gi yimisa gi tiya kala kupindzuka.+ (Sela)
9 O Nungungulu, hi ehleketa hi lirandzo la wena li nga mbheliko+Lomu tempeleni ya wena.
10 O Nungungulu, a ku fana ni vito ga wena, a wudzundzo ga wenaGi chikela ni le magemeta-musi ya misava.+
A canja ga wena ga cinene gi tele hi kululama.+
11 A Citsunga ca Ziyoni+ ci wa tsake,Ni madhoropa* ya Judha ma wa tsake hi kota ya kulamula ka wena.+
12 Rendzelekelani Ziyoni; gi rendzelekeleni gontlhe;Hlayani a tikhokhola* ta gona.+
13 Cuwukisisani a makhurisi ya gona ma tiyisilweko.+
Hlolisisani a tikhokhola* ta gona ti tiyisilweko khwatsi,Kasi mu ta hlawutela a zvizukulwana zva ha tako.
14 Hakuva a Nungungulu loyi,+ i Nungungulu wa hina kala kupindzuka ni kupindzuka.
I ta hi rangela kala kupindzuka.*+
Mitlhamuselo ya lahasi
^ Kutani: “norte”.
^ Kutani: “torres”.
^ Kutani: “khokhola gi tlakukileko”.
^ Kutani: “ti tlhangene kota lezvi ti nga bhulile”.
^ Kutani: “moya wa mutsuwuka-gambo”.
^ Kutani: “mapaketi; tinavhiyo”.
^ Hi kukongoma: “vanhanyana”.
^ Kutani: “torres”.
^ Kutani: “torres”.
^ Zvi nga maha na zvi wula ku: “kala kufeni”.
