Tisimu 5:1-12
Ka muchuli wa nehilote.* Lisimu la Dhavhidha.
5 O Jehovha, ingisela magezu ya mina,+Kangatela ndleve uzwa kuketa ka mina.
2 Demba ndleve, uzwa a kurila ka mina ka ku lava ku vhuniwa,Wena Hosi ya mina ni Nungungulu wa mina, hakuva ndza khongela ka wena.
3 O Jehovha, u tazwa a gezu ga mina ni mixo;+Ni mixo ndzi ta chulula a kukarateka ka mina ka wena,+ ndzi tshama ndzi rindzela.
4 Hakuva wena a wu Nungungulu a tsakiswako hi zvakubiha;+A ku na wakubiha a to tshama na wena.+
5 A ku na munhu wa matshandza a nga yimako mahlweni ka wena.
U venga vontlhe va mahanyela ya kubiha;+
6 U ta lovisa lava va wulawulako mawunwa.+
Jehovha wa nyenya a vanhu va tihanyi ni vakanganyisi.*+
7 Kanilezvi ndzi ta nghena ndlwini ya wena+ hi kota ya lirandzo la wena la hombe li nga mbheliko;+Ndzi ta ku khizamela tempeleni ya wena yo basa* hi cichavo ca hombe.+
8 O Jehovha, ndzi rangele kululameni ka wena hi kota ya valala va mina;Ndzi basisele a ndlela ya wena.+
9 Hakuva ci hava va wulako ci tsumbekileko;Ndzeni kabye vova ni kubiha ntsena;A nkolo wabye cilahla ci ahlamileko;Va fayelisela hi lirimi labye.*+
10 Kanilezvi Nungungulu i ta va nyika nandzu;Va ta wisiwa hi zvikungo zva vona venyi.+
Ngha va hlongoliwa hi kota ya zvigoho zvabye zvo tala,Hakuva va ku hluwukele.
11 Kanilezvi vontlhe lava va chavelako ka wena va ta tsaka;+Va ta kulungela hi kutsaka contlhe cikhati.
U ta va vhikela,Niku lava va randzako a vito ga wena va ta tsaka hi kota ya wena.
12 Hakuva wena Jehovha u ta katekisa lava va lulamileko;U ta va randzela hi wuxinji* a ku khwatsi citlhangu ca hombe.+
Mitlhamuselo ya lahasi
^ Kutani: “a munhu wa ku halata nkhata ni wa ku kanganyisa”.
^ Kutani: “wutshan’wini ga wena go basa”.
^ Kutani: “Va tirisa lirimi lo nandziha”.
^ Kutani: “hi kuxalala hi vona”.