Tisimu 52:1-9
Ka muchuli. Maxili* ya Dhavhidha a cikhati leci Dhowegi, a muEdhomi, a ngaya a ya byela Sawule lezvaku Dhavhidha i wa yile ndlwini ya Ahimeleki.+
52 Wena nhenha, hikuyini u ti kukumukisako hi mitiro ya wena ya kubiha ke?+
A lirandzo li nga mbheliko la Nungungulu li simama a siku gontlhe.+
2 A lirimi la wena, li lotilweko a ku fana ni likari,*+Li xuxa cikungo ca kubiha li tlhela li kanganyisa.+
3 U randza nguvhu zvakubiha a ku hundza zvazvinene,U randza a ku hemba a ku hundza ku wulawula zvakululama. (Sela)
4 U randza a timhaka tontlhe ti lovisako,Wena lirimi lo kanganyisa!
5 Hikwalaho, Nungungulu i ta ku lovisa kala kupindzuka;+I ta ku khoma a ku susa tendeni ga wena,+A ku tsuwula tikweni ga vahanyako.+ (Sela)
6 A valulamileko va ta zvi wona va hlamala,+Niku va ta mu hleka, vaku:+
7 “Hi nga wona a munhu loyi a nga kala ku maha Nungungulu ava wuchavelo* gakwe,+Loyi a tsumbileko a titshomba takwe to tala+A tlhela a tsumba a* zvikungo zvakwe zva kubiha.”
8 Kanilezvi mina ndzi ta fana ni olivha wo tlhuma ndlwini ya Nungungulu;Mina ndzi tsumba a lirandzo li nga mbheliko la Nungungulu,+ kala kupindzuka ni kupindzuka.
9 Ndzi ta ku dhumisa kala kupindzuka hakuva u mahile cokari.+Mahlweni ka vatsumbekileko va wena,Ndzi ta tsumba vito ga wena,+ hakuva gi nene.
Mitlhamuselo ya lahasi
^ A likari i nchumu wa simbi wo kariha wa ku tsema hi wona misisi.
^ Kutani: “khokhola”.
^ Kutani: “a chavela ka”.
