Tisimu 54:1-7
-
Mukhongelo wa ku kombela ku vhuniwa ka valala
-
“Nungungulu muvhuni wa mina” (4)
-
Ka muchuli. Kasi li yimbelelwa na ku biwa zvichaya-chaya zva tingoti. Maxili* ya Dhavhidha, a cikhati leci a vavanuna va Zife va ngaya va ya byela Sawule ku: “Dhavhidha i fihlele cikari ka hina.”+
54 O Nungungulu, ndzi ponise hi vito ga wena,+U ndzi yimela*+ hi ntamu wa wena.
2 O Nungungulu, zwana mukhongelo wa mina;+Demba ndleve ka timhaka ta nomu wa mina.
3 Hakuva a vamatiko va ndzi vhukela,Ni vanhu va tihanyi va hlota wutomi* ga mina.+
A va na mhaka na Nungungulu.*+ (Sela)
4 Hi nga wonani! Nungungulu muvhuni wa mina;+Jehovha i zvin’we ni lava va ndzi seketelako.*
5 I ta tlhelisela valala va mina+ hi mitiro yabye ya kubiha;Nungungulu wa mina va lovise,* hakuva u tsumbekile.+
6 Ndzi ta ku mahela muphahlo+ hi kuzvirandza.
O Jehovha, ndzi ta dhumisa a vito ga wena hakuva gi nene.+
7 Hakuva yena wa ndzi tlhatlhisa mihlomulweni ya mina yontlhe,+Ndzi ta giyagiya laha ndzi to wona a valala va mina na va wile.+
Mitlhamuselo ya lahasi
^ Kutani: “U yimela a mhaka ya mina”.
^ Kutani: “muhefemulo”.
^ Kutani: “A va veki Nungungulu mahlweni kabye”.
^ Kutani: “va seketelako muhefemulo wa mina”.
^ Hi kukongoma: “miyete”.