Tisimu 59:1-17
Ka muchuli wa “U nga lovisi”. Miktamu* ya Dhavhidha, a cikhati leci Sawule a nga rumela a vavanuna va ya rindzela a yindlu ya Dhavhidha kasi va mu daya.+
59 O Nungungulu wa mina, ndzi tlhatlhise ka valala va mina;+Ndzi vhikele ka lava va ndzi vhukelako.+
2 Ndzi tlhatlhise ka vamahi va kubiha,U ndzi ponisa ka vanhu va tihanyi.*
3 Va tshama va ndzi xiyelela;*+A vavanuna va ntamu va ndzi vhukelaKuveni a ndzi hambunyetangi nchumu hambu ku wonha nchumu,+ O Jehovha.
4 Hambu lezvi ndzi nga kala ku wonha nchumu, va tsutsuma va ti longisela a ku ndzi dhumela.
Vhuka laha ndzi ku vitanako u zvi wona.
5 Hakuva wena, Jehovha Nungungulu wa mabutho, u Nungungulu wa Izrayeli.+
Khindlimuka, u alakanya a matiko wontlhe.
U nga va maheli wuxinji a vatokometi va kubiha.+ (Sela)
6 Siku ni siku va wuya laha gi phumako;+Va wukulela a ku fana ni timbyana,+ va rendzelekela a dhoropa.+
7 Hi nga wona lezvi a minomu yabye yi zvi chululako;*A minomu yabye yi fana ni zvipadha,+Hakuva ve ngalo: “Himani a zvi zwako?”+
8 Kanilezvi wena Jehovha u ta va hleka;+U ta poyila a matiko wontlhe.+
9 Wena Ntamu wa mina, ndzi ta rindzela wena;+Hakuva Nungungulu wuchavelo ga mina go tiya.*+
10 A Nungungulu loyi a ndzi kombisako lirandzo li nga mbheliko i tata a ta ndzi vhuna;+Nungungulu i ta ndzi maha ndzi cuwuka a valala va mina hi migiyo.+
11 U nga va dayi, kasi a tiko ga mina gi nga zvi rivali.
Va pepetsekise hi ntamu wa wena;Va wise, O Jehovha, citlhangu ca hina.+
12 Hi kota ya ciwonho ca nomu wabye, a timhaka ta minomu yabye,Ngha va phasiwa hi matshandza yabye,+Hi kota ya tihlamba ni mawunwa lawa va ma wulako.
13 Va lovise zangeni ya wena;+Va lovise kasi va nga havi kona kambe;Va mahe va zvi tiva lezvaku Nungungulu wa fuma hehla ka Jakobe kala ni le magemeta-musi ya misava.+ (Sela)
14 Va wa wuye laha gi phumako;Va wa wukulele a ku fana ni timbyana, va rendzelekela a dhoropa.+
15 Va wa pepetseke va lavetela zvakuga;+U nga va tsiki va xura hambu ku kuma wutshamu go etlela kona.
16 Kanilezvi mina ndzi ta yimbelela xungetano hi ntamu wa wena;+Ni mixo, ndzi ta hlawutela a lirandzo la wena li nga mbheliko hi kutsaka.
Hakuva wena u wuchavelo ga mina go tiya+Ni wutshamu ga mina go tsutsumela kona cikhatini ca mina ca zvikarato.+
17 O Ntamu wa mina, ndzi ta yimbelela a tisimu ta ku ku dhumisa,*+Hakuva Nungungulu wuchavelo ga mina go tiya, a Nungungulu loyi a ndzi kombisako lirandzo li nga mbheliko.+
Mitlhamuselo ya lahasi
^ Kutani: “va nga ni tora ga nkhata”.
^ Kutani: “va xiyelela a muhefemulo wa mina”.
^ Kutani: “lezvi zvi pupumako hi minon’wini yabye”.
^ Kutani: “i khokhola ga mina gi tlakukileko”.
^ Kutani: “ndzi ta ku chayela muzka”.