Tisimu 6:1-10
Ka muchuli; kasi li yimbelelwa na ku biwa zvichaya-chaya zva tingoti zvi finarilweko zviya ka xeminite.* Lisimu la Dhavhidha.
6 O Jehovha, u nga ndzi kawuki zangeni ya wena,Ne u nga ndzi luleki khulweni ga wena.+
2 O Jehovha, ndzi mahele wuxinji, hakuva ndzi mbhelile ntamu.
O Jehovha, ndzi hanyise,+ hakuva a marambu ya mina ma gudlagudla.
3 Ina, ndza* karateka nguvhu.+O Jehovha, ndza ku wutisa: Kasi zvi ta simama kala rini?+
4 Wuya, Jehovha, u ta ndzi tlhatlhisa;*+Ndzi ponise hi kota ya lirandzo la wena li nga mbheliko.+
5 Hakuva kufeni a wu kumbukiwi;*Himani a to ku dhumisa le Cilahleni* ke?+
6 Ndzi karele hi kuketa;+Gontlhe wusiku ndzi khulungelisa a mubhedhi wa mina hi mihloti,Ndzi khulungelisa a mubhedhi wa mina hi kurila.+
7 A matihlo ya mina ma karele hi hlomulo wa mina;+Ma firimela hi kota ya vontlhe lava va ndzi xanisako.
8 Sukani ka mina, n’wina n’wentlhe va mahanyela yo biha,Hakuva Jehovha i tazwa a guwa ga kurila ka mina.+
9 Jehovha i tazwa cikombelo ca mina ca ku lava ku mahelwa wuxinji;+Jehovha i ta amukela a mukhongelo wa mina.
10 Vontlhe a valala va mina va ta wisiwa tingana va mbhela ntamu;Va ta hlehla, va ku koyo tingana hi citshuketi.+
Mitlhamuselo ya lahasi
^ Kutani: “a muhefemulo wa mina wa”.
^ Kutani: “u ta tlhatlhisa muhefemulo wa mina”.
^ Kutani: “alakanyiwi”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
