Tisimu 62:1-12
Ka muchuli wa Jedhutuni.* Lisimu la Dhavhidha.
62 Ndzi* rindzela ntsena ka Nungungulu hi lihlazva-mbilu,*
A kuhanyisa kuta hi ka yena.+
2 Hakunene yena i ribye ga mina ni kuhanyiswa ka mina, a wuchavelo ga mina go tiya;*+Ndzi nga ta tshuka ndzi tsekatsekiswa nguvhu.+
3 Kala rini na ma ha dhumela munhu kasi mu mu daya ke?+
N’wentlheni mu na ni mhango a ku khwatsi i khurisi gi wako, a khurisi ga maribye gi lavako kuwa.
4 Hakuva va xuxa cikungo ca ku mu susa citshan’wini cakwe ci tlakukileko;Va randza ku hemba.
Va katekisa hi minomu yabye kuveni ndzeni kabye vo rukatela.+ (Sela)
5 Ndzi* rindzela ntsena ka Nungungulu hi lihlazva-mbilu*+Hakuva a kutsumba ka mina kuta hi ka yena.+
6 Hakunene yena i ribye ga mina ni kuhanyiswa ka mina, a wuchavelo ga mina go tiya;Ndzi nga ta tshuka ndzi tsekatsekiswa.+
7 A kuhanyiswa ka mina ni wudzundzo ga mina zvita hi ka Nungungulu.
A ribye ga mina go tiya, ina, a wuchavelo ga mina hi Nungungulu.+
8 N’wina vanhu, mu tsumbeni contlhe cikhati.
Chululani timbilu ta n’wina mahlweni kakwe.+
Nungungulu wuchavelo ga hina.+ (Sela)
9 A vana va vanhu kuhefemula ntsena,A vana va vanhu a va nyawuli.+
Loku u va patsa vontlhe lomu cikalweni va vevuka a ku hundza kuhefemula.+
10 Mu nga tsumbi a kuphanga;Mu nga ti kalaveli mu tsumba kuyiva.
Loku a titshomba ta n’wina ti engetela mu nga veki a timbilu ta n’wina ka tona.+
11 Nungungulu i wulawulile khati gin’we, mina ndzi zvi zwile kumbiri:
Lezvaku a ntamu wu lumba Nungungulu.+
12 O Jehovha, a lirandzo li nga mbheliko lonawu la wena,+Hakuva u tlhelisela a mun’we ni mun’wani maringano ni zvimaho zvakwe.+
Mitlhamuselo ya lahasi
^ Kutani: “A muhefemulo wa mina wu”.
^ Kutani: “na ndzi miyele”.
^ Kutani: “khokhola gi tlakukileko”.
^ Kutani: “na ndzi miyele”.
^ Kutani: “A muhefemulo wa mina wu”.