Tisimu 65:1-13
Ka muchuli. Lisimu la Dhavhidha.
65 O Nungungulu, a kudhumiswa ku rindzela wena le Ziyoni;+Hina hi ta tatisa a zvifungo zva hina ka wena.+
2 O wena Muzwi wa mikhongelo, a vanhu va tixaka tontlhe va* tata ka wena.+
3 A zvigoho zva mina zva ndzi bindza;+Kanilezvi wena u fenengeta a zvihambunyeto zva hina.+
4 Wa tsaka loyi u mu hlawulako u mu neha kusuhani na wenaKasi a hanya lomu mitsendzeleni* ya wena.+
Hi ta xura hi wunene ga yindlu ya wena,+A tempeli ya wena.*+
5 U ta hi hlamula hi mitiro yo hlamalisa+ ya kululama,O Nungungulu wa kuhanyiswa ka hina,Wena u Kutsumba ka wontlhe a magemeta-musi ya misava,+Ni ka lava va nga mabimbini ya le kule.
6 U* yimisile a zvitsunga zvi tiya hi ntamu wa wena;U* ambele a ntamu.+
7 Wa* rulisa a mabimbi ma vhindlukileko,+Ni guwa ga mavingo* ya wona, ni pfilupfilu ya matiko.+
8 A vahanyi va matshamu ya le kule va ta chavisiwa hi zviwoniso zva wena;+Kusukela mutsuwuka-gambo kala mupela-gambo, u ta vanga mikulungwani ya kutsaka.
9 Wena wa hlayisa misava,U yi nonisa nguvhu, yi pfuna nguvhu.+
A congo wa Nungungulu wu tele hi mati;Wena wa va nyika timbewu,+Hakuva hi zvalezvo u nga yi longiselisa zvona misava.
10 U tsakamisa a misele ya yona, u lizarela misava yi rimilweko;U olovisa a misava hi tivhula ta hombe, u katekisa a timbewu ta yona.+
11 U sasekisa a lembe hi wunene ga wena;A tindlela ta wena ti tele hi pfuno.*+
12 A wuriselo ga le ciwuleni ga donadona,+Ni zvitsungana zvi ambele litsako.+
13 A wuriselo gi fenengetilwe hi mitlhambi,Ni mikova yi fenengetilwe hi timbewu.+
Zvi kanyuluka zvi giya, ina, zva yimbelela.+
Mitlhamuselo ya lahasi
^ Hi kukongoma: “a nyama yontlhe yi”.
^ Kutani: “pátios”.
^ Kutani: “A wutshamu ga wena go basa”.
^ Hi kukongoma: “I”.
^ Hi kukongoma: “I”.
^ Hi kukongoma: “I”.
^ Kutani: “mabyandlati; mavimbi”.
^ Hi kukongoma: “ti donadona mafura”.
