Tisimu 66:1-20
Ka muchuli. Lisimu.
66 Giyani mu tsaka ka Nungungulu, n’wina misava yontlhe.+
2 Yimbelelani a tisimu ta ku dhumisa* a vito gakwe go ngangamela.
Mu nyikeni wudzundzo, mu mu dhumisa.+
3 Byelani Nungungulu, muku: “A yo ku hlamalisa a mitiro ya wena!+
Hi kota ya ntamu wa wena wa hombe,A valala va wena va ta khoza mahlweni ka wena.+
4 A misava yontlhe yi ta ku khizamela;+Va ta yimbelela a tisimu ta ku ku dhumisa;Va ta yimbelela a tisimu ta ku dhumisa a vito ga wena.”+ (Sela)
5 Tanani mu ta wona a mitiro ya Nungungulu.
A mitiro yakwe leyi a yi mahelako a vana va vanhu ya hlamalisa nguvhu.+
6 I hundzulile a bimbi gi maha misava yo woma,+Va tlhatuka congo hi minenge.+
Hi no mu tsakela kwalaho.+
7 I fuma kala kupindzuka+ hi ntamu wakwe.
A matihlo yakwe ma tshama hi ku cuwukela matiko.+
Lava va tinhamu to nonoha va nga ti tlakusi.+ (Sela)
8 N’wina matiko, dhumisani a Nungungulu wa hina,+Ngha a pfumawulo wa kudhumiswa kakwe wu zwala.
9 Yena wa hi hlayisa hi hanya;+A nga tsiki a mikondzo ya hina yi retemuka.*+
10 Hakuva wena Nungungulu u hi hlolile;+U hi hlutile, a ku khwatsi hi lezvi a prata yi hlutiwako.
11 U hi nghenisile lomu ntlhan’wini.*U hi rwexile a ndzhwalo wo bindza.*
12 U tsikile a munhu wa ku wafa a fambafamba tihlokweni ta hina;Hi hundzile hi lomu ndzilweni ni lomu matini,U gumesa u hi neha ka wutshamu go humula.
13 Ndzi ta nghena ndlwini ya wena ni minyikelo ya kuhiswa ya murumba.+Ndzi ta tatisa a zvifungo zva mina ka wena,+
14 Lezvi a minomu ya mina yi nga tsumbisa,+Ni lezvi a nomu wa mina wu nga wula laha ndzi nga hi zvikaratweni.
15 Ndzi ta ku humesela a minyikelo ya kuhiswa ya zvihari zvo nona,Zvin’we ni musi wa miphahlo ya tiyivhu ta vamatsune.
Ndzi ta ku nyika a tihomu ni timhongo. (Sela)
16 Tanani mu ta ingisela, n’wina n’wentlhe mu chavako Nungungulu,Ndzi ta mu hlawutela lezvi a ndzi maheleko.*+
17 Ndzi mu vitanile hi nomu wa mina,Ndzi mu dhumisa hi lirimi la mina.
18 Loku ndzi wa alakanyele a nchumu wa kubiha mbilwini ya minaJehovha na a nga ndzi zwangi.+
19 Kanilezvi Nungungulu i ndzi zwile,+A ingisela a mukhongelo wa mina.+
20 I wa dhumisiwe Nungungulu, loyi a nga kala ku ala a mukhongelo wa minaHambu ku ndzi alela a lirandzo lakwe li nga mbheliko.
Mitlhamuselo ya lahasi
^ Kutani: “Gi chayeleni muzka”.
^ Kutani: “yi dhedhereka”.
^ Hi kukongoma: “U hi rwexile ndzhwalo wo bindza zviwunwini zva hina”.
^ Hi kukongoma: “lomu ka likoka”.
^ Kutani: “a maheleko muhefemulo wa mina”.
