Tisimu 68:1-35
Ka muchuli. Lisimu la Dhavhidha.
68 Ngha Nungungulu a vhuka, a valala vakwe va wa hangalaswe;Ni lava va mu vengako va wa tsutsume mahlweni kakwe.+
2 Va hlongole a ku khwatsi i musi wu kukuletwako hi moya.A ku khwatsi i sera yi nyekako hi kuzwa ndzilo,A vakubiha va wa love mahlweni ka Nungungulu.+
3 Kanilezvi a vakululama va wa tsake.+Va wa giyagiye hi kutsaka mahlweni ka Nungungulu;Va wa kulungele hi kutsaka.
4 Yimbelelani ka Nungungulu; yimbelelani a tisimu ta ku dhumisa* a vito gakwe.+
Yimbelelani ka loyi a tsemakanyako hi lomu tivaleni.*
A vito gakwe hi Jah!*+ Tsakani mahlweni kakwe!
5 Nungungulu i papayi wa lava va nga hava papayi ni muvhikeli* wa tinoni,*+Na a hi wutshan’wini gakwe go basa.+
6 Nungungulu i nyika lava va nga voce a muti wa ku hanya ka wona;+I tlhatlhisa a zvibochwa a zvi nyika makatekwa.+
Kanilezvi lava va tinhamu to nonoha va* ta hanya tikweni go woma.+
7 O Nungungulu, a cikhati u nga rangela a vanhu va wena,+A cikhati u nga tsemakanya hi lomu ciwuleni, (Sela)
8 A misava yi no tsekatseka;+A matilo ma no chulula a vhula* hi kota ya Nungungulu;A citsunga ca Sinayi ci no tsekatseka hi kota ya Nungungulu, a Nungungulu wa Izrayeli.+
9 O Nungungulu, u nisile a vhula ya hombe;U va nyikile ntamu a vanhu* va wena va kareleko.
10 Va tshamile lomu wugovelweni ga wena ga matenda;+Hi kota ya wunene ga wena, O Nungungulu, u hlayisile cisiwana.
11 Jehovha wa laya;A vavasati lava va huwelelako a mahungu ya manene i butho ga hombe.+
12 A tihosi ta mabutho ta tsutsuma,+ ina, ta tsutsuma!
A wasati loyi a seleko kaya wa hlengela ka muphango.+
13 Hambu lezvi n’wina mu nga etlela lomu makhumbarini ya wugovelo,*Ku tava ni tipapa ta cipomba ti nameketelweko a prata,Na ci hi ni timbavi ta ouro ya yinene.
14 A cikhati leci Loyi wa Ntamu Wontlhe a nga hangalasa a tihosi ta misava,+Ku nowa gapongo le Zalmoni.*
15 A citsunga ca Bhaxani+ citsunga ca Nungungulu;*A citsunga ca Bhaxani citsunga ca matshamu yo tlakuka.
16 N’wina zvitsunga zva matshamu yo tlakuka, hikuyini mu ci cuwukako hi matshohoA citsunga leci Nungungulu a ci hlawulileko lezvaku a tshama ka cona?+
Hakunene Jehovha i ta tshama ka cona kala kupindzuka.+
17 A tikareta ta yimpi ta Nungungulu makume ya makume ya mazana, a makume ya mazana ma wuyetilweko hi makume ya mazana.+
Jehovha i tile hi le Sinayi, a nghena wutshan’wini go basa.+
18 U tlakukele hehla,+U famba ni zvibochwa;U no teka vanhu kota zvinyikiwo;+Ina, hambu ni vanhu va tinhamu to nonoha,+ kasi u tshama cikari kabye, O Jah, Nungungulu.
19 I wa dhumiswe Jehovha, loyi a rwalako a mindzhwalo ya hina siku ni siku,+A Nungungulu wa lisine wa kuhanyiswa ka hina. (Sela)
20 Ka hina, a Nungungulu wa lisine i Nungungulu loyi a ponisako;+Jehovha, a Hosi ya Hombe, wa tlhatlhisa kufeni.+
21 Ina, Nungungulu i ta sila a tihloko ta valala vakwe,Ni cirwarwa* ca loyi a simamako* cigohweni cakwe.+
22 Jehovha i te ngalo: “Ndzi ta va wuyisa hi le Bhaxani;+Ndzi ta va wuyisa hi lomu kueteni ka bimbi,
23 Kasi u peta a minenge ya wena nkhateni,+Ni tirimi ta timbyana ta wena ti kuma ciavelo ca valala.”
24 O Nungungulu, va ku wona a kufamba ka wena,A kufamba ka Nungungulu wa mina, a hosi ya mina na yi nghena wutshan’wini go basa.+
25 A vayimbeleli va ranga phambeni, na va landzelwa hi vachayi va bako a zvichaya-chaya zva tingoti;+Hi laha cikari kabye, ku na ni vanhanyana va bako mitandanda.+
26 Dhumisani Nungungulu lomu mitlhanganweni ya hombe;Dhumisani Jehovha, n’wina va Cibuka ca Izrayeli.+
27 Kwalaho Bhenjamini,+ a ndzisana, wa va khozisa,*Zvin’we ni tihosana ta Judha ni citshungu ca tona ca guwa,Ni tihosana ta Zebhuloni, ni tihosana ta Naftali.
28 A Nungungulu wa wena i leletele lezvaku u tava ni ntamu.
Kombisa a ntamu wa wena, O Nungungulu, wena u hi vhuneteleko.+
29 Hi kota ya tempeli ya wena le Jerusalema+A tihosi ti ta ku nehela zvinyikiwo.+
30 Kawuka a zvivandza zva lomu hlangeni,Ni ntlhambi wa madhuna ya tihomu+ ni marole ya wona,Kala a matiko ma korama ma neha* zvipandze zva prata.
Kanilezvi i hangalasa a matiko lawa ma tsakiswako hi yimpi.
31 Ku ta nehiwa zvilo zva brondze* hi le Gibhite;+Kuxe i ta hatlisa a nyikela zvinyikiwo ka Nungungulu.
32 N’wina mifumo ya misava, yimbelelani ka Nungungulu,+Yimbelelani a tisimu ta ku dhumisa* Jehovha, (Sela)
33 Loyi a khileleko a matilo ya matilo ya kaleloko.+
Hi nga zwani! Wa dzindza hi gezu gakwe, a gezu gakwe ga ntamu.
34 Vhumelani a ntamu wa Nungungulu.+
A wukulu gakwe gi le hehla ka Izrayeli,Ni ntamu wakwe wu le matilweni.*
35 Nungungulu wa chavisa lomu wutshan’wini gakwe* ga hombe go basa.+
Yena i Nungungulu wa IzrayeliLoyi a nyikako vanhu a kutiya ni ntamu.+
I wa dhumisiwe Nungungulu.
Mitlhamuselo ya lahasi
^ Kutani: “gi chayeleni muzka”.
^ Zvi nga maha na zvi wula ku: “marefini”.
^ A ku “Jah” i vito gi komisilweko gaku Jehovha.
^ Hi kukongoma: “mulamuli”.
^ Kutani: “wa vavasati vo felwa hi vanuna”.
^ Kutani: “Kanilezvi a zvitlula-milayo zvi”.
^ Hi kukongoma: “ma no donadona”.
^ Hi kukongoma: “tshomba”.
^ Zvi nga maha na zvi wula ku: “marangeni ya tiyivhu”.
^ Kutani: “Zvi wa ku khwatsi ku nowa gapongo le Zalmoni”.
^ Kutani: “citsunga ca hombe”.
^ Kutani: “cikodo; cikuwa”.
^ Kutani: “a fambako”.
^ Kutani: “fumela”.
^ Zvi nga maha na zvi wula ku: “kandzihetela”.
^ Zvi nga maha na zvi wula ku: “Ku tata vayimeli”.
^ Kutani: “Mu chayeleni muzka”.
^ Hi kukongoma: “marefini”.
^ Hi kukongoma: “ga wena”.