Tisimu 7:1-17
-
Jehovha Mulamuli wa kululama
-
“O Jehovha, ndzi lamule” (8)
-
Lisimu la cirilo la Dhavhidha leli a nga yimbelela ka Jehovha xungetano hi magezu ya Kuxe, a muBhenjamini.
7 O Jehovha, Nungungulu wa mina, ndzi tsutsumele ka wena.+
Ndzi ponise ka vontlhe lava va ndzi xanisako, u ndzi tlhatlhisa.+
2 Hakuva va nga ndzi pfhemulela* a ku khwatsi hi lezvi a nghala yi mahako,+Va ndzi khoma, ndzi nga kumi wa ku ndzi tlhatlhisa.
3 O Jehovha, Nungungulu wa mina, loku ndzi hi ni nandzu,Ni loku ndzi mahile kubiha;
4 Loku ndzi wonhele a munhu a nga ndzi mahela wunene,+Kutani loku ndzi phangile a nala wa mina mahala,*
5 Loku zvi tshamisile lezvo, tsika a nala a ndzi hlongolisela a ndzi kuma;*I wa kandzihetele a wutomi ga mina lahasiA tlhela a lovisa a wudzundzo ga mina ntshurini. (Sela)
6 Vhuka zangeni ya wena, O Jehovha;Suka u yima, u vhukela a kuleva ka valala va mina;+Vhuka u ndzi vhuna, u laya lezvaku ku mahiwa kululama.+
7 Ngha a matiko ma ku randzela;Niku u talwa nawo na u hi le hehla.
8 Jehovha i ta lamula matiko.+
O Jehovha, ndzi lamule hi kuya hi kululama ka mina,Ni kutsumbeka ka mina.+
9 Fuvisa a mitiro yo biha ya vakubiha.
Kanilezvi tiyisa lava va lulamileko,+Hakuva wena u Nungungulu a lulamileko,+ loyi a hlolako timbilu+ ni maalakanyo ma etileko.*+
10 Nungungulu citlhangu ca mina,+ a Muhanyisi wa lava va timbilu ti lulamileko.+
11 Nungungulu Mulamuli wo lulama;+Nungungulu i huwelela* a kulamula kakwe siku ni siku.
12 Loku a munhu a nga ti soli,+ Nungungulu i lota a cipadha cakwe;+I kondla a wura gakwe, gi tshama na gi longile.+
13 I longisela a matlhari yakwe ma dayako,A longisela a mipaxa yakwe yi vhurako.+
14 Hi nga wonani munhu a xurileko nyimba ya zvilo zva kubiha;I xura nyimba ya zvikarato, a pswala mawunwa.+
15 I kelile a nkele, a wu etisa,Kanilezvi i wela ka nkele walowu a wu kelileko.+
16 A zvikarato lezvi a zvi vangako zvi ta wela hlokweni yakwe;+Ni tihanyi takwe ti ta wela ka cidlodlo* ca hloko yakwe.
17 Ndzi ta dhumisa Jehovha hi kota ya kululama kakwe;+Ndzi ta yimbelela a tisimu ta ku dhumisa a* vito ga Jehovha,+ Loyi a Tlakukileko ku Hundza Vontlhe.+
Mitlhamuselo ya lahasi
^ Kutani: “pfhemulela a muhefemulo wa mina”.
^ Zvi nga maha na zvi wula ku: “Na ndzi tsetsa loyi a ndzi vhukelako mahala”.
^ Kutani: “a hlongolisela a muhefemulo wa mina a wu kuma”.
^ Kutani: “kutizwa ka le ndzeni-ndzeni; loyi a ringako a timbilu ni tiswa”.
^ Kutani: “i chulula”.
^ Kutani: “korowa”.
^ Kutani: “Ndzi ta gi chayela muzka a”.
