Tisimu 71:1-24
71 O Jehovha, ndzi chavele ka wena.
Ndzi nga tshuki ndzi wisiwa tingana.+
2 Ndzi ponise kululameni ka wena, u ndzi tlhatlhisa.
Kangatela a ndleve ya wena,* u ndzi ponisa.+
3 Ngha uva khokhola ga mina ga ribye,Lomu ndzi nga nghenako kona contlhe cikhati.
Laya lezvaku ndzi ponisiwa,Hakuva wena u ribye ga mina ni khokhola ga mina.+
4 O Nungungulu wa mina, ndzi tlhatlhise canjeni ga wakubiha,+Ni ntan’wini wa muxanisi wa kubiha.
5 Hakuva wena u kutsumba ka mina, O Jehovha, Hosi ya Hombe;Ndzi tsumba wena kusukela wusweni ga mina.+
6 Cima ndzi pswaliwa ndzi seketelwa hi wena;Hi wena u ndzi humesileko lomu khwirini ga mamani wa mina.+
Ndzi tshama hi ku ku dhumisa.
7 Mina ndzi cihlamaliso ka votala,Kanilezvi wena u wuchavelo ga mina go tiya.
8 A nomu wa mina wu tele hi wudzundzo ga wena;+Gontlhe siku ndzi hlawutela a wukulu ga wena.
9 U nga ndzi hoxi wukhosaneni ga mina;+U nga ndzi tsiki a cikhati leci ndzi to mbhela ntamu.+
10 A valala va mina va wulawula zva hava hi mina;Lava va hlotako ku susa a wutomi* ga mina va ndzi xuxela cikungo,+
11 Vaku: “Nungungulu i mu tsikile.
Mu hlongoliseleni mu mu khoma hakuva i hava a to mu ponisa.”+
12 O Nungungulu, u nga tshameli kule na mina.
O Nungungulu wa mina, hatlisa u ta ndzi vhuna.+
13 Lava va ndzi xanisako*Va wa wisiwe tingana va lova.+
Lava va hlotako a khombo ga minaVa wa fenengetiwe hi tingana, va tsongahatiwa.+
14 Kanilezvi mina, ndzi ta simama ku rindzela;Ndzi ta engetela ku ku dhumisa.
15 A nomu wa mina wu ta hlawutela a kululama ka wena,+Ni mitiro ya wena ya kuhanyisa gontlhe siku,Hambu lezvi ndzi tsandzekako ni ku yi zwisisa* hi kutala.+
16 Ndzi ta famba ndzi ya hlawutela a mitiro ya wena ya ntamu,O Jehovha, Hosi ya Hombe;Ndzi ta wulawula hi kululama ka wena, ina, ka wena wece.
17 O Nungungulu, u ndzi gondzisile kusukela wusweni ga mina,+Kala lezvi ndza ha hlawutela a mitiro ya wena yo hlamalisa.+
18 O Nungungulu, hambu loku ndzi khosahele ndzi hi ni wuvhu, u nga ndzi tsiki.+
Ndzi tsike ndzi hlawutela a ntamu* wa wena ka cizukulwana ci landzelakoNi wukulu ga wena ka vontlhe lava va ha tako.+
19 O Nungungulu, a kululama ka wena ku tlakukile nguvhu;+U mahile zvilo zva hombe;O Nungungulu, himani a fanako na wena ke?+
20 Hambu lezvi u nga ndzi tsika ndzi welwa hi zvikarato zvo tala ni makhombo yo tala,+Tlhela u ndzi hanyisa;Ndzi humese lomu kueteni ka* misava.+
21 Engetela a wukulu ga mina,U ndzi randzela u tlhela u ndzi tangalisa.
22 Makunu ndzi ta ku dhumisa hi cichaya-chaya ca tingotiHi kota ya kutsumbeka ka wena, wena Nungungulu wa mina.+
Ndzi ta yimbelela tisimu ta ku ku dhumisa* hi citende,Wena Loyi a Basileko wa Izrayeli.
23 A minomu ya mina yi ta kulungela hi kutsaka laha ndzi yimbelelako a tisimu ta ku ku dhumisa,+Hakuva u ponisile a wutomi* ga mina.*+
24 A lirimi la mina li ta wulawula* hi kululama ka wena gontlhe siku,+Hakuva lava va lavako ku ndzi loviswa va ta wisiwa tingana va tsongahatiwa.+
Mitlhamuselo ya lahasi
^ Kutani: “Korama u ingisela”.
^ Kutani: “muhefemulo”.
^ Kutani: “va xanisako a muhefemulo wa mina”.
^ Kutani: “hlayela”.
^ Hi kukongoma: “a woko”.
^ Kutani: “matini yo eta ya”.
^ Kutani: “Ndzi ta ku chayela muzka”.
^ Kutani: “muhefemulo”.
^ Kutani: “u tlhatlhisile a muhefemulo wa mina”.
^ Kutani: “ehleketa”.
