Tisimu 72:1-20
Xungetano hi Solomoni.
72 O Nungungulu, yi nyike kulamula ka wena a hosi,U nyika ni n’wana wa hosi a kululama ka wena.+
2 I wa yimele a mhaka ya vanhu va wena hi kululama,A yimela hi nongameto a mhaka ya vanhu va wena va nyalidede.+
3 A zvitsunga zvi wa nehe kurula ka vanhu,Ni zvitsungana zvi wa nehe kululama.
4 I wa yimele* lava va nyalidede cikari ka vanhu,A ponisa a vana va cisiwana,Ni ku gandla loyi a va xololako.*+
5 Va ta ku chava loku a gambo ga ha hi konaNi loku a hweti ya ha hi kona,Ka cizukulwana ni cizukulwana.+
6 I ta fana ni vhula yi nelako a byanyi gi tsemilweko,Ni tivhula ta hombe ti tsakamisako misava.+
7 Masikwini yakwe, a wakululama i ta hluka,*+Ni kurula ku ta andza+ kala a hweti yi nga havi kona.
8 I tava ni vafumelwi* kusukela ka bimbi gin’we kala ka gin’wani bimbi,Ni kusukela Congweni* kala magemeta-musi ya misava.+
9 Lava va hanyako lomu ciwuleni va ta mu khizamela,Ni valala vakwe va ta lazva a ntshuri.+
10 A tihosi ta Tarxixi ni ta le zvihlaleni* ti ta humesa ndzuvo.*+
A tihosi ta Xebha ni ta Sebha ti ta humesa zvinyikiwo.+
11 A tihosi tontlhe ti ta mu khizamela,Ni matiko wontlhe ma ta mu tirela.
12 Hakuva i ta tlhatlhisa a cisiwana leci ci rilelako ku vhuniwa,Ni muxaniseki ni loyi a nga hava muvhuni.
13 I ta mu zwela wusiwana a muxaniseki ni cisiwana;Ni wutomi* ga zvisiwana i ta gi ponisa.
14 I ta va tlhatlhisa* kuxanisiweni ni ka tihanyi,Ni nkhata wabye wu tava wa lisima mahlweni kakwe.
15 I wa hanye a nyikiwa a ouro ya Xebha.+
I wa khongelelwe contlhe cikhati,A tlhela a katekiswa gontlhe siku.
16 A timbewu ti ta pfuna nguvhu laha misaveni;+Le hehla ka zvitsunga ti ta pfuna nguvhu.
A mihandzu ya hosi yi ta pfuna a ku khwatsi i khwati ga Lebhanoni,+Ni lomu madhoropeni a vanhu va ta hluka a ku khwatsi i byanyi ga misava.+
17 A vito gakwe gi wa simame kala kupindzuka,+Gi vhuvhuma loku a gambo ga ha hi kona.
A vanhu va wa kume cikatekiso hi yena,+Ni matiko wontlhe ma wa mu wule loyi a tsakileko.
18 Ngha Jehovha Nungungulu a dhumiswa, a Nungungulu wa Izrayeli,+Loyi ku nga yena yece a mahako zvilo zvo hlamalisa.+
19 A vito gakwe go dzundzeka gi wa dhumiswe kala kupindzuka,+Ni wudzundzo gakwe gi wa tate a misava yontlhe.+
Amen ni Amen.
20 Yi gumesa laha a mikhongelo ya Dhavhidha, a n’wana wa Jese.+
Mitlhamuselo ya lahasi
^ Hi kukongoma: “lamule”.
^ Kutani: “kanganyisako”.
^ Kutani: “nyuka”.
^ Kutani: “I ta fuma”.
^ Ku nga Congo wa Eufrate.
^ Kutani: “tributo”, wona laha kaku: “ndzuvo” ka Tlhamuselo wa magezu ya Bhibhiliya.
^ Kutani: “ilhas; zvilundzweni”.
^ Kutani: “mihefemulo”.
^ Kutani: “tlhatlhisa mihefemulo yabye”.