Tisimu 73:1-28
-
A munhu wa Nungungulu a tlhela ava ni mawonela ma nene
Lisimu la Asafa.+
73 Hakunene Nungungulu mu nene ka Izrayeli, ka lava va nga ni mbilu yi basileko.+
2 Kanilezvi mina, kutsongwani a minenge ya mina yi wa lava ku hambuka;Kutsongwani, a mikondzo ya mina yi wa lava ku retemuka.+
3 Hakuva ndzi no sangula kuva ni ciluse hi vamatshandzaA cikhati leci ndzi nga wona a kurula ka vakubiha.+
4 Hakuva vafa na va nga xanisekangi;A mimiri yabye yi hanya khwatsi.*+
5 A va karateki a ku fana ni van’wani vanhu,+Ne a va xaniseki a ku khwatsi hi van’wani.+
6 Hikwalaho, a matshandza i kordhawu gabye;+Va ambele tihanyi a ku khwatsi i nguwo.
7 A matihlo yabye a ma woneki hi mafura;*Va na ni zvotala nguvhu zvo hundza ni lezvi a mbilu yabye yi nga zvi alakanyela.
8 Va tseketsela ni ku wulawula kubiha.+
Va dzukisela hi tixanisa na va tele hi matshandza.+
9 Va wulawulisa ku khwatsi va tlakukile a ku fana ni tilo,Ni tirimi tabye ti famba hi matshandza laha misaveni.
10 Hikwalaho, a vanhu vakwe va hambukile vaya tlhelweni gabye,Va tlhela vanwa a mati yabye yo tala.
11 Ve ngalo: “Nungungulu i zvi tivisa kuyini?+
Xana Loyi a Tlakukileko ku Hundza Vontlhe i na ni wutivi ke?”
12 Ina, lava hi vona vakubiha, lava contlhe cikhati va nga karatekiko hi nchumu.+
Va simama ku engetela titshomba tabye.+
13 Hakunene ndzi basisile a mbilu ya mina mahalaNiku ndzi hlambile a mandla ya mina mahala kasi ku komba ku a ndzi na nandzu.+
14 Ndzi wa karateka siku gontlhe,+Ndzi tsayisiwa mixo ni mixo.+
15 Kanilezvi loku ndzi wa wulile a zvilo lezvi,Na ndzi kanganyisile a vanhu va wena.*
16 Laha ndzi nga zama ku zvi zwisisa,Zvi no ndzi karata
17 Kala ndzi nghena lomu wutshan’wini ga hombe go basa ga Nungungulu,Ndzi tiva magumo yabye.
18 Hakunene wena u va veka wutshan’wini go retemuka;+
U va wisa va lova.+
19 Va lovisiwa hi citshuketi!+
Va lova hi citshuketi hi mafela yo tshisa!
20 A ku fana ni noro wa munhu loku a vhukile, O Jehovha,Laha u to suka u ta n’walalisa* a ciwumbeko cabye.
21 Kanilezvi a mbilu ya mina yi wa karatekile,+Hi le ndzeni* ndzi wazwa a kubayisa ka hombe.
22 Ndzi wa hi cipumbu, ndzi nga hi na kuzwisisa;Mahlweni ka wena ndzi wa fana ni cihari ci nga pimisiko.
23 Kanilezvi zvezvi, ndzi zvin’we na wena contlhe cikhati;U khomile a canja ga mina ga cinene.+
24 U ta ndzi rangela hi wusungukati ga wena,+U tlhela u ndzi yisa kungangameleni.+
25 Himani ndzi nga naye le matilweni ke?
Ahandle ka wena a ndzi naveli nchumu laha misaveni.+
26 A miri wa mina ni mbilu ya mina zvi nga mbhela ntamu,Kanilezvi Nungungulu i ribye ga mbilu ya mina ni ciavelo ca mina kala kupindzuka.+
27 Hakunene lava va tshamako kule na wena va ta lova.
U ta lovisa* vontlhe lava va nga tsumbekiko ka wena* va ku fularela.+
28 Kanilezvi ka mina, zvi nene a ku tshinela ka Nungungulu.+
Ndzi mahile Jehovha, a Hosi ya Hombe, ava wuchavelo ga minaKasi ndzi hlawutela a mitiro ya wena yontlhe.+
Mitlhamuselo ya lahasi
^ Kutani: “A makhwiri yabye ma kulukile”.
^ Kutani: “hi kuganya”.
^ Hi kukongoma: “a cizukulwana ca vana va wena”.
^ Hi kukongoma: “chepeta”.
^ Hi kukongoma: “Tisweni ta mina”.
^ Hi kukongoma: “miyeta”.
^ Kutani: “lava va mahako wubhayi”.