Tisimu 74:1-23
Maxili* ya Asafa.+
74 O Nungungulu, hikuyini u hi tsikeleko magumo?+
Hikuyini a zanga ya wena yi vhurelako* a ntlhambi wa wuriselo ga wena ke?+
2 Alakanya a vanhu* lava u va kumileko kaleloko,+A lixaka leli u li tlhatlhisileko liva tshomba ya wena.+
Alakanya a Citsunga ca Ziyoni leci u nga kari u tshama ka cona.+
3 Bana mazambo uya marumbini ya kala kupindzuka.+
A nala i lovisile zvontlhe lomu wutshan’wini go basa.+
4 A valala va wena va bhongile lomu wutshan’wini ga wena ga mutlhangano.+
Va zimile laho a mabhandera yabye kota zvikombiso.
5 Va wa fana ni vavanuna va tlakusako machapo kasi ku xakatsa a khwati go khwela.
6 Hi machapo ni tisimbi, va fayetele a zvifananiso zvontlhe zvi kehlilweko.+
7 Va hisile a wutshamu ga wena go basa hi ndzilo.+
Va nyenyezisile a tabhernakeli legi gi rweleko a vito ga wena, va gi hoxa lahasi.
8 Vona ni pswalo wabye va wulile lezvi timbilwini tabye:
“Wontlhe a matshamu ya mutlhangano ya Nungungulu,* lawa ma nga lomu tikweni, ma wa hisiwe.”
9 A ka ha hi na zvikombiso kasi hi zvi wona;A ka ha hi na muphrofeti,Ne a nga kona cikari ka hina a zvi tivako lezvaku zvi ta gumesa rini.
10 O Nungungulu, a nala i ta rukatela kala rini?+
A nala i ta simama ku nga kombisi cichavo hi vito ga wena kala kupindzuka ke?+
11 Hikuyini u alisako a canja ga wena, a canja ga wena ga cinene?+
Gi humese lomu cifuveni ca wena* u va lovisa.
12 Kanilezvi Nungungulu hi yena Hosi ya mina kusukela kaleloko,Loyi a mahako mitiro ya kuhanyisa laha misaveni.+
13 U vhindlusile a bimbi hi ntamu wa wena;+U fayile a tihloko ta zvingondzomu zva lomu bimbini.
14 U fayile a tihloko ta Levhiyatani;*U yi nyikele yi giwa hi vanhu lava va hanyako lomu zviwuleni.
15 U vhululile zvibuka ni micongo;+U womisile a micongo yi nga tshama hi ku khulunga.+
16 A hlikanhi wa wena, ni wusiku gonawu ga wena.
U mahile a kuwonekela ni gambo.+
17 U yimisile a mimbhingano yontlhe ya misava;+U mahile a nguva ya cimumu ni ya cirami.+
18 O Jehovha, alakanya a zviruko zva nala,Ni lezvi a zvipumbu zvi gi chepetisako zvona a vito ga wena.+
19 U nga nyikeli a wutomi* ga tuva ga wena ka zvivandza zva khwati.
U nga gi rivali kala kupindzuka a wutomi ga vanhu va wena va xanisekako.
20 Alakanya a civhumelwano,Hakuva a matshamu ya munyama ya misava ma tele hi wutumbelo ga zvigevenga.
21 Ngha loyi a pfotlosilweko a nga tlheli na a tshovekile mbilu;+A muxaniseki ni cisiwana va wa dhumise a vito ga wena.+
22 O Nungungulu, suka u yimela a mhaka ya wena.
Alakanya lezvi a cipumbu ci ku rukisako zvona gontlhe siku.+
23 U nga rivali lezvi a valala va wena va wulako.
A guwa ga lava va ku vhukelako gi tshama hi ku tlakuka.
Mitlhamuselo ya lahasi
^ Hi kukongoma: “tuvikelako”.
^ Hi kukongoma: “a hlengeletano ya wena”.
^ Kutani: “Kontlhe lomu Nungungulu a khozelwako kona”.
^ Kutani: “lomu cipetsweni ca nguwo ya wena”.
^ Kutani: “muhefemulo”.