Tisimu 75:1-10
-
Nungungulu i lamula hi kululama
-
A vakubiha va tanwa a kopo ya Jehovha (8)
-
Ka muchuli wa lisimu la “U nga lovisi”. Lisimu la Asafa.+
75 O Nungungulu, ha ku bonga, ina, ha ku bonga;A vito ga wena gi kusuhani,+Ni vanhu va huwelela a mitiro ya wena yo hlamalisa.
2 U ngalo: “Loku ndzi yimisa cikhati,Ndzi lamula hi kululama.
3 A cikhati leci a misava ni vontlhe a vahanyi va yona va nga nyeka,Hi mina ndzi nga tiyisa a maziki ya yona.” (Sela)
4 Ndzi byela a vamatshandza, ndziku: “Mu nga ti kulisi”,
Ni vakubiha, ndziku: “Mu nga tlakusi a ntamu* wa n’wina.
5 Mu nga tlakusi nguvhu a ntamu* wa n’wina,Hambu ku wulawula hi matshandza.
6 Hakuva a kutlakuswa a kutiHi mutsuwuka-gambo kutani hi mupela-gambo kutani hi dzongeni.*
7 Hakuva Nungungulu Mulamuli.+
I tsongahata mun’we, a kulisa mun’wani.+
8 Hakuva lomu canjeni ga Jehovha ku na ni kopo;+A vhinyo ya pupuma niku ya bava nguvhu.*
Hakunene i ta yi chulula,Ni vontlhe a vakubiha va laha misaveni va ta yinwa kala va kuma ni zvisese.”+
9 Kanilezvi mina ndzi ta zvi huwelela kala kupindzuka;Ndzi ta yimbelela a tisimu ta ku dhumisa* a Nungungulu wa Jakobe.
10 Hakuva i ngalo: “Ndzi ta tsema a ntamu* wontlhe wa vakubiha,Kanilezvi a ntamu* wa lava va lulamileko wu ta tlakuswa.”
Mitlhamuselo ya lahasi
^ Hi kukongoma: “limhondzo”.
^ Hi kukongoma: “limhondzo”.
^ Kutani: “sul”.
^ Kutani: “niku yi jutelwe nguvhu”.
^ Kutani: “Ndzi ta mu chayela muzka”.
^ Hi kukongoma: “timhondzo”.
^ Hi kukongoma: “timhondzo”.
