Tisimu 77:1-20
Ka muchuli wa Jedhutuni.* Lisimu la Asafa.+
77 Ndzi ta rila ka Nungungulu hi gezu ga mina;Ndzi ta rila ka Nungungulu, na yena i ta ndzizwa.+
2 Hi siku ga zvikarato zva mina ndzi hlota Jehovha.+
Ni wusiku ndzi nawuluta a mandla ya mina kakwe ndzi nga tsiki.*A ndzi* chaveleleki.
3 Loku ndzi alakanya Nungungulu, ndzo keta;+Ndza karateka, ndzi mbhela ntamu.*+ (Sela)
4 U khoma a tikohe ta mina ti tshama na ti vhululekile;Ndzi karatekile; a ndzi zvi koti ni ku wulawula.
5 A maalakanyo ya mina ma alakanya a masiku ya kaleloko,+A malembe ma hundzileko kale nguvhu.
6 Ni wusiku ndzi alakanya a lisimu la mina;+Ndzi ehleketa mbilwini ya mina;+Ndza* hlolisisa khwatsi.
7 Jehovha i ta hi hoxa kala kupindzuka ke?+
A nga ta ha tshuka a hi kombisa a wuxinji gakwe ke?+
8 A lirandzo lakwe li nga mbheliko li no mbhelela magumo ke?
A citsumbiso cakwe ci to kala ku tatisela zvizukulwaneni zvontlhe ke?
9 Nungungulu i no rivala ku hi kombisa a wuxinji gakwe ke?+Kutani a tipswalo takwe ti no mbhela hi kota ya zanga yakwe ke? (Sela)
10 Xana ndzi ta simama ndziku: “Ndzi karatiwa* hi ku:+
Loyi a Tlakukileko ku Hundza Vontlhe i cicile lezvi a nga hi khomisa zvona”?*
11 Ndzi ta alakanya a mitiro ya Jah;Ndzi ta alakanya a zvimaho zva wena zvo hlamalisa zva kaleloko.
12 Ndzi ta ehleketa hi mitiro ya wena yontlhe,Ndzi alakanyela a zvimaho zva wena.+
13 O Nungungulu, a tindlela ta wena ti basile.
O Nungungulu, himani nungungulu wa hombe wo kota wena ke?+
14 Wena u Nungungulu wa lisine, loyi a mahako zvilo zvo hlamalisa.+
U kombisile a ntamu wa wena ka matiko.+
15 Hi ntamu* wa wena u tlhatlhisile a vanhu va wena,+A vana va Jakobe ni va Josefa. (Sela)
16 O Nungungulu, a mati ma ku wonile;A mati ma ku wonile ma karateka.+
A mati ya kueta ma vhindlukile.
17 A marefu ma chululile mati.
A tilo gi fenengetilweko hi marefu gi dzindzile,Ni mipaxa ya wena yi phandelwe matlhelweni wontlhe.+
18 A guwa ga kudzindza ka wena+ gi wa ku khwatsi marodha ya tikareta;A kuhatima ku no woningela misava;+A misava yi no rurumela yi tsekatseka.+
19 A ndlela ya wena yi no tsemakanya bimbi,+Ni lisoko la wena li tsemakanyile hi lomu ka mati yo tala;Kanilezvi a nkondzo* wa wena a wu wonekangi.
20 U rangele a vanhu va wena a ku khwatsi i ntlhambi,+Hi canja ga Mosi na Aroni.+
Mitlhamuselo ya lahasi
^ Hi kukongoma: “a ma tsindzivali”.
^ Kutani: “A muhefemulo wa mina a wu”.
^ Hi kukongoma: “a moya wa mina wu mbhela ntamu”.
^ Hi kukongoma: “A moya wa mina wa”.
^ Hi kukongoma: “woko gakwe ga cinene”.
^ Kutani: “tlhaviwa”.
^ Hi kukongoma: “woko”.
^ Kutani: “thaba”.