Tisimu 79:1-13
Lisimu la Asafa.+
79 O Nungungulu, a matiko ma dhumele a tshomba ya wena;+Va nyenyezisile a tempeli ya wena yo basa;+Va hundzulile Jerusalema ava nhulu ya maribye.+
2 Va nyikele a zvirumbi zva malandza ya wena kota zvakuga ka zvinyanyani zva tilo,Ni nyama ya vatsumbekileko va wena ka zvivandza zva misava.+
3 Va chululile a nkhata wabye a ku khwatsi i mati kontlhe lomu Jerusalema,I hava a nga sala kasi a va lahla.+
4 Hi mahile ciruko ka vaakelani va hina.+Lava va nga matlhelweni ya hina va hi poyila ni ku hi hleka.
5 O Jehovha, kala rini na wa ha zangarile? Kala kupindzuka ke?+
A zanga ya wena yi ta hi vhurela ku fana ni ndzilo kala rini?+
6 Chulula a zanga ya wena hehla ka matiko lawa ma nga ku tivikoNi hehla ka mifumo leyi yi nga khongeliko vitweni ga wena.+
7 Hakuva va khadamulile JakobeNiku va hahlulile a tiko gakwe.+
8 U nga hi nyiki nandzu hi kota ya zviwonho zva vakokwani va hina.+
Hatlisa u hi mahela wuxinji,+Hakuva hi tsongahatilwe nguvhu.
9 Hi vhune, wena Nungungulu wa kuhanyiswa ka hina,+Hi kota ya vito ga wena go dzundzeka;Hi tlhatlhise u hi tsetselela* a zviwonho zva hina hi kota ya vito ga wena.+
10 A matiko ma wa ta wulela yini, maku: “I kwihi Nungungulu wabye?”+
Zvi wa tiviwe cikari ka matiko, kuwoneni ka hina,Lezvaku a nkhata wu halatilweko wa malandza ya wena wu photelwe.+
11 Zwana a kuketa ka cibochwa.+
Tirisa a ntamu* wa wena wa hombe kasi ku hlayisa* lava va konelweko kufa.*+
12 Tlhelisela a vaakelani va hina a 7 wa makhati+Hi kota ya zviruko lezvi va ku rukileko hi zvona, O Jehovha.+
13 Makunu hina vanhu va wena ni ntlhambi wa wuriselo ga wena+Hi ta ku bonga kala kupindzuka;Hi ta huwelela a wudzundzo ga wena ka cizukulwana ni cizukulwana.+
Mitlhamuselo ya lahasi
^ Hi kukongoma: “u fenengeta”.
^ Hi kukongoma: “woko”.
^ Zvi nga maha na zvi wula ku: “tlhatlhisa”.
^ Hi kukongoma: “vana va kufa”.
