Tisimu 80:1-19
Ka muchuli wa “Makhon’wa”. Cialakanyiso. Lisimu la Asafa.+
80 Wena Murisi wa Izrayeli, ingisela,Wena loyi u rangelako Josefa a ku khwatsi i ntlhambi.+
Wena loyi u tshamileko citshan’wini ca wuhosi, hehla* ka makerubhima,+Ngangamela.*
2 Mahlweni ka Efrayime, na Bhenjamini, na Manase,Vhuxa a ntamu wa wena;+Tana u ta hi ponisa.+
3 O Nungungulu, hi wuyise;+A nghohe ya wena yi wa hi woningele kasi hi poniswa.+
4 Jehovha, Nungungulu wa mabutho, kala rini na wa ha zangarela* a mukhongelo wa vanhu va wena?+
5 U va gisile a zvakuga* zva mihloti,U tlhela u va nwisa mihloti yi nga pimekiko.
6 U tsika a vaakelani va hina va bangana hi hina.A valala va hina va tshama hi ku hi poyilelisa lezvi va zvi lavisako zvona.+
7 O Nungungulu wa mabutho, hi wuyise;A nghohe ya wena yi wa hi woningele kasi hi poniswa.+
8 U humesile a vhina*+ le Gibhite.
U hlongolile a matiko, u wu sima.+
9 U wu basisele wutshamu,Wu zima mitsu, wu tata misava.+
10 A zvitsunga zvi no fenengetwa hi ndzhuti wa wona,Ni misedhare ya Nungungulu hi madhavi ya wona.
11 A madhavi ya wona ma no nava maza ma chikela bimbini,Ni zvidhavana zva wona zvi chikela ni le Congweni.*+
12 Hikuyini u khungumulileko a libhiyo la ribye la civhina,*+Kasi vontlhe va hundzako hi laho va khaya a mihandzu ya cona ke?+
13 A makhumba-khwati ma ci hohlolile,Ni zvihari zva khwati zvi ti wundla hi cona.+
14 O Nungungulu wa mabutho, ha ku kombela, wuya.
Cuwuka hi kwale tilweni u zvi wona!
Hlayisa a vhina lowu,+
15 A koli lowu wa vhina wu byalilweko hi canja ga wena ga cinene,+Niku cuwuka a n’wana* loyi u nga mu tiyisa kasi u kuma wudzundzo.+
16 Wu hisilwe hi ndzilo+ wu tsemiwa.
Va lovile hi kukawuka ka wena.*
17 A canja ga wena gi wa vhune loyi a nga reveni ga wena ga cinene,A n’wana wa munhu loyi u nga ti tiyisela yena.+
18 Makunu hi nga ta ku fularela.
Hi hlayise hi hanya kasi hi khongela vitweni ga wena.
19 O Jehovha, Nungungulu wa mabutho, hi wuyise;A nghohe ya wena yi wa hi woningele kasi hi poniswa.+
Mitlhamuselo ya lahasi
^ Zvi nga maha na zvi wula ku: “cikari”.
^ Kutani: “Kombisa kuhatima ka wena”.
^ Hi kukongoma: “tuvikela”.
^ Hi kukongoma: “pawa”.
^ A vhina i sinya leyi yi pswalako mauvha.
^ Ku nga Congo wa Eufrate.
^ A civhina i simu ga tisinya leti ti pswalako mauvha.
^ Kutani: “dhavi”.
^ Hi kukongoma: “ka nghohe ya wena”.
