Tisimu 81:1-16
Ka muchuli wa gitite.* Lisimu la Asafa.+
81 Kulungelani hi kutsaka ka Nungungulu, a ntamu wa hina.+
Kanyulukani mu giyagiya ka Nungungulu wa Jakobe.
2 Teketani muzka, mu teka a mutandanda,Ni citende co vhuma khwatsi, zvin’we ni cichaya-chaya ca tingoti.
3 Banani linanga* kuwonekeni ka hweti yiswa,+Ka hweti yo tala, hi siku ga mubuzo wa hina.+
4 Hakuva leci cileletelo ka Izrayeli,A nayo wa Nungungulu wa Jakobe.+
5 I wu yimisile kota cialakanyiso ka Josefa+A cikhati leci a nga huma alwa ni tiko ga Gibhite.+
Ndzi nozwa gezu* ndzi nga kala ku gi tiva, giku:
6 “Ndzi mu rulile ndzhwalo makatleni yakwe;+Ni mandla yakwe ma tlhatlhilwe ka ndzhwalo wa cindzala.*
7 Lomu zvikaratweni zva wena u ndzi vitanile, ndzi ku tlhatlhisa;+Ndzi ku hlamulile hi lomu refini gi bohileko gi ku phum.*+
Ndzi ku ringile matini ya Meribha.*+ (Sela)
8 Zwanani, n’wina vanhu va mina, ndzi ta kustumunya ndzi mu vhukela.
O Izrayeli, mayiwako loku a wo ndzi ingisa!+
9 Cikari ka wena, ku ngavi ni nungungulu mumbe,Ne u nga khizameli a nungungulu wa matiko.+
10 Mina Jehovha, hi mina Nungungulu wa wena,Loyi a ku humesileko tikweni ga Gibhite.+
Ahlamisa a nomu wa wena, ndzi ta wu tata.+
11 Kanilezvi a vanhu va mina a va ingisangi a gezu ga mina;Izrayeli i wa nga ti koramisi ka mina.+
12 Hikwalaho, ndzi no va tsika va landzela a timbilu tabye to nonoha;Va no maha lezvi va nga alakanya ku zvi lulamile.*+
13 Loku ku wo khwatsi a vanhu va mina vo ndzi ingisa,+Loku ku wo khwatsi Izrayeli o famba tindleleni ta mina!+
14 Ndzi wa ta hatlisa ku hlula a valala vabye;Ndzi wa ta jikisa a canja ga mina gi vhukela a valala vabye.+
15 Lava va vengako Jehovha va ta khoza mahlweni kakwe,Ni magumo* yabye ma tava ya pindzukelwa.
16 Kanilezvi i ta ku* gisa a trigo ya yinene nguvhu,+A ku xurisa hi wulombe ga lomu maribyeni.”+
Mitlhamuselo ya lahasi
^ Kutani: “khombela”.
^ Kutani: “lirimi”.
^ Kutani: “cirundzu”.
^ Zvi wulako ku: “Kuholova”.
^ Hi kukongoma: “hi lomu ku fihlalako cingwalangwandla”.
^ Hi kukongoma: “Va no famba hi wusungukati ga vona venyi”.
^ Hi kukongoma: “Ni cikhati”.
^ Hi kukongoma: “mu”, ku nga vanhu va Nungungulu.