Tisimu 84:1-12
Ka muchuli wa gitite.* Lisimu la vana va Kora.+
84 A go ku randziwa* a tabhernakeli ga wena ga hombe,+O Jehovha wa mabutho!
2 A muhefemulo* wa mina wa navela,Ina, ndzafa hi ku xuvaA mitsendzele* ya Jehovha.+
A mbilu ya mina ni nyama ya mina zva kanyuluka zvi tsakela a Nungungulu a hanyako.
3 Hambu a cinyanyani ca kuma muti laho,Ni mbewulwani yi ti akela cisaka ca yona laho,Laha yi hlayisako kona a mavhinyani ya yona,Kusuhani ni alati ga wena ga hombe, wena Jehovha wa mabutho,Hosi ya mina ni Nungungulu wa mina!
4 Va tsaka lava va tshamako ndlwini ya wena!+
Vona va simama va ku dhumisa.+ (Sela)
5 Va tsaka a vanhu lava va kumako ntamu ka wena,+Lava a timbilu tabye ti nga tindleleni.
6 Loku va tsemakanya a Nkova wa Bhaka,*Va wu maha wutshamu ga zvibuka,Ni tivhula to ranga ta wu fenengeta* hi makatekwa.
7 Va ta famba na va engetelekana ntamu;+A mun’we ni mun’wani wabye i ta woneka mahlweni ka Nungungulu le Ziyoni.
8 O Jehovha, Nungungulu wa mabutho, zwana a mukhongelo wa mina;O Nungungulu wa Jakobe, ingisela. (Sela)
9 Cuwuka, O citlhangu ca hina+ ni Nungungulu wa hina,*Cuwuka a nghohe ya a totilweko wa wena.+
10 Hakuva a siku gin’we lomu mitsendzeleni* ya wena gi chukwana a ku hundza 1000 wa masiku ka gin’wani wutshamu!+
Ndzi hlawulile ku yima laha nyangweni ya yindlu ya Nungungulu wa minaA ku hundza ku tshama lomu matendeni ya vakubiha.
11 Hakuva Jehovha Nungungulu i gambo+ ni citlhangu;+I nyika wuxinji ni wudzundzo;
Jehovha a nga ta va tsona nchumu wa wuneneLava va fambako hi kutsumbeka.+
12 O Jehovha wa mabutho,Wa tsaka a munhu loyi a ku tsumbako.+
Mitlhamuselo ya lahasi
^ Kutani: “A gi no ku saseka”.
^ Kutani: “pátios”.
^ Kutani: “nkova wa makhuho ya bhaka”.
^ Zvi nga maha na zvi wula ku: “Ni mugondzisi wa ti fenengeta”.
^ Zvi nga maha na zvi wula ku: “Cuwuka a citlhangu ca hina, O Nungungulu”.
^ Kutani: “pátios”.