Tisimu 85:1-13
Ka muchuli. Lisimu la vana va Kora.+
85 O Jehovha, u gi mahele wuxinji a tiko ga wena;+U wuyisile a va ka Jakobe lava va nga khomilwe.+
2 U tsetselele a cigoho ca vanhu va wena;U fenengetile a zviwonho zvabye zvontlhe.+ (Sela)
3 U khomile a zanga ya wena yontlhe;U fularele a khulo ga wena gi vhurako.+
4 Hi wuyise,* O Nungungulu wa kuhanyiswa ka hina,U tsika ku hi swirekela.+
5 U ta hi zangarela kala kupindzuka ke?+
U ta simama ku zangara ka cizukulwana ni cizukulwana?
6 U nga ta tlhela u hi hanyisaKasi a vanhu va wena va fela ku ku tsakela ke?+
7 O Jehovha, hi kombise lirandzo la wena li nga mbheliko,+U hi nyika kuhanyisa ka wena.
8 Ndzi tazwa lezvi Jehovha, a Nungungulu wa lisine, a to wula,Hakuva i ta huwelela kurula ka vanhu vakwe,+ a vatsumbekileko vakwe,Kanilezvi va nga ha tlheli va ti tsumba.+
9 Hakunene a kuhanyisa kakwe ku tshinele ka lava va mu chavako,+Kasi a wudzundzo gakwe gi tshama lomu tikweni ga hina.
10 A lirandzo li nga mbheliko ni kutsumbeka zvi ta tlhangana;A kululama ni kurula zvi ta pswopswana.+
11 A kutsumbeka ku ta hluka laha misaveni,Ni kululama ku ta cuwuka lahasi hi le matilweni.+
12 Hakunene Jehovha i ta hi nyika zvazvinene,*+Ni tiko ga hina gi ta humesa a pfuno wa gona.+
13 A kululama ku ta ranga mahlweni kakwe,+Ku bhoxa ndlela ya mazambo yakwe.
