Tisimu 86:1-17
Mukhongelo wa Dhavhidha.
86 O Jehovha, kangatela a ndleve ya wena,* u ndzi hlamula,Hakuva ndza xaniseka niku ndzi cisiwana.+
2 Hlayisa a wutomi* ga mina hakuva ndzi tsumbekile.+
Ponisa a nandza ga wena legi gi ku tsumbako,Hakuva wena u Nungungulu wa mina.+
3 O Jehovha, ndzi mahele wuxinji+Hakuva ndzi rila ka wena gontlhe siku.+
4 Tsakisa nandza* ga wena,Hakuva ndzi tsutsumela ka* wena Jehovha.
5 Hakuva wena Jehovha u munene+ niku u longile ku tsetselela;+U tele hi lirandzo li nga mbheliko ka vontlhe lava va khongelako ka wena.+
6 O Jehovha, zwana mukhongelo wa mina,U demba ndleve kukhongoteleni ka mina ka ku lava ku vhuniwa.+
7 Ndza ku vitana sikwini ga hlomulo wa mina,+Hakuva u ta ndzi hlamula.+
8 O Jehovha, cikari ka vanungungulu a nga kona wo fana na wena;+A ku na mitiro yo fana ni leyi ya wena.+
9 Wontlhe a matiko lawa u ma mahilekoMa tata ma ta ku khizamela, wena Jehovha,+Ma dzundza a vito ga wena.+
10 Hakuva u wa hombe, niku u maha zvilo zvo hlamalisa;+Hi wena wece u nga Nungungulu.+
11 O Jehovha, ndzi gondzise a ndlela ya wena.+
Ndzi ta famba lisineni la wena.+
Zwananisa a mbilu ya mina kasi yi* chava a vito ga wena.+
12 O Jehovha, Nungungulu wa mina, ndza ku dhumisa hi mbilu ya mina yontlhe;+Ndzi ta dhumisa a vito ga wena kala kupindzuka,
13 Hakuva a lirandzo la wena li nga mbheliko leli u ndzi kombisako la hombe,U ponisile a wutomi* ga mina kueteni ka Cilahla.*+
14 O Nungungulu, a vamatshandza va ndzi vhukela;+A ntlawa wa zvigevenga wu hlota a wutomi* ga mina;A va na mhaka na wena.*+
15 Kanilezvi wena, Jehovha, u Nungungulu wa wuxinji ni wa ku zwela wusiwana,A nonokako ku zangara, a teleko hi lirandzo li nga mbheliko ni kutsumbeka.*+
16 Hundzuluka u ndzi mahela wuxinji.+
Gi nyike a ntamu wa wena a nandza ga wena,+U hanyisa a n’wana wa nandza ga wena ga cisati.
17 Ndzi kombe a cikombiso ca wunene ga wena,Kasi lava va ndzi vengako va zvi wona va ku koyo tingana.
Hakuva wena Jehovha, u muvhuneteli wa mina ni muchaveleli wa mina.
Mitlhamuselo ya lahasi
^ Kutani: “korama u ingisela”.
^ Kutani: “muhefemulo”.
^ Kutani: “muhefemulo wa nandza”.
^ Kutani: “ndzi tlakusa a muhefemulo wa mina ka”.
^ Kutani: “Ndzi nyike a mbilu yin’we kasi ndzi”.
^ Kutani: “muhefemulo”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “muhefemulo”.
^ Kutani: “A va ku veki mahlweni kabye”.
^ Kutani: “ni lisine”.
