Tisimu 88:1-18
Lisimu la vana va Kora.+ Ka muchuli wa Mahalate,* kasi li yimbelelwa hi kuamuketana. Maxili* ya Hemani,+ a muEzra.
88 O Jehovha, Nungungulu wa kuhanyiswa ka mina,+Ni hlikanhi ndza rila,Ni wusiku ndzita mahlweni ka wena.+
2 Ngha a mukhongelo wa mina wu chikela ka wena;+Kangatela a ndleve ya wena ka* cirilo ca mina ca ku lava ku vhuniwa.+
3 Hakuva a muhefemulo* wa mina wu kolwe hi zvikarato,+Ni wutomi ga mina gi laha mbhirini ya Cilahla.*+
4 Ndzi hlayiwa zvin’we ni lava va relelako nkeleni;*+Ndzi munhu a mbhelileko ntamu,+
5 A tsikilweko cikari ka vafilekoA ku fana ni zvirumbi zvi etleleko cilahleni,Lezvi u nga ha zvi alakanyiko,Lezvi zvi susilweko canjeni ga wena.*
6 U ndzi hoxile lomu nkeleni wo eta nguvhu,Lomu matshan’wini ya munyama, nkeleni wo anama wo kala magumo.
7 A zanga ya wena ya ndzi bindza,+Wa ndzi rera hi mavingo* ya wena ya ntamu. (Sela)
8 U hlongolile lava ndzi tivanako navo vaya kule na mina;+U ndzi mahile cinyenyeko kabye.
Ndzi phasilwe, a ndzi zvi koti ku chukula.
9 A matihlo ya mina ma mbhelile ntamu hi kota ya kuxaniseka ka mina.+
O Jehovha, ndza khongela ka wena gontlhe siku.+Ndza tshambuluta a mandla ya mina ka wena.
10 U ta maha a zvihlamaliso ka vafileko ke?
Lava va nga hava ntamu kufeni va nga vhuka va ku dhumisa ke?+ (Sela)
11 A lirandzo la wena li nga mbheliko li nga hlawutelwa cilahleni,Ni kutsumbeka ka wena wutshan’wini ga kulovisa ke?*
12 A zvihlamaliso zva wena zvi ta tiviwa munyameni ke?Ahati a kululama ka wena, ku ta tiviwa tikweni ga kurivala ke?+
13 Kanilezvi ndza ha simama ku rila ka wena ndzi kombela ku vhuniwa, O Jehovha;+Mixo ni mixo a mukhongelo wa mina wuta ka wena.+
14 O Jehovha, u ndzi tsikela yini?*+
Hikuyini u ndzi fihlelako a nghohe ya wena?+
15 Kusukela wusweni ga mina,Ndza xaniseka niku ndzi kusuhani ni kufa;+Ndzi tsindzivele hi kota ya zvilo zvo tshisa lezvi u zvi tsikileko zvi ndzi xanisa.
16 A zanga ya wena yi vhurako ya ndzi bindza;+A kuchavisa ka wena ka ndzi lovisa.
17 Gontlhe siku ka ndzi randzela a ku khwatsi i mati;Ka ndzi randzela matlhelweni wontlhe.*
18 U hlongolile a vanghana va mina ni vaakelani va mina vaya kule;+A munyama hi wona munghana wa mina.
Mitlhamuselo ya lahasi
^ Kutani: “Korama, u ingisela a”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “cilahleni”.
^ Kutani: “Lezvi u nga ha zvi hlayisiko”.
^ Kutani: “mabyandlati; mavimbi”.
^ Kutani: “le Abhadhoni”.
^ Kutani: “u wu tsikela yini a muhefemulo wa mina”.
^ Zvi nga maha na zvi wula ku: “Ka ndzi randzela hi khati gin’we”.
