Tisimu 9:1-20
Ka muchuli wa mut-labheni.* Lisimu la Dhavhidha.
א [álefe]
9 O Jehovha, ndzi ta ku dhumisa hi mbilu ya mina yontlhe;Ndzi ta hlawutela mitiro ya wena yontlhe yo hlamalisa.+
2 Ndzi ta tsaka ndzi nengela ka wena;Ndzi ta yimbelela a tisimu ta ku dhumisa a* vito ga wena, wena Loyi u Tlakukileko ku Hundza Vontlhe.+
ב [bete]
3 Laha a valala va mina va to hlehla,+Va tawa, va lova mahlweni ka wena.
4 Hakuva wena wa yimela a mhaka ya mina yo lulama;U tshama citshan’wini ca wena ca wuhosi u lamula hi kululama.+
ג [guímel]
5 U kawukile a matiko,+ u lovisa a vakubiha,U vhinya mavito yabye kala kupindzuka ni kupindzuka.
6 A nala i loviselwe magumo;U khungumulele a madhoropa yabye;Niku contlhe a cialakanyiso cabye ci ta lova.+
ה [hê]
7 Kanilezvi Jehovha i tshamile citshan’wini ca wuhosi kala kupindzuka;+I yimisile a citshamu cakwe ca wuhosi ci tiya kasi a maha kululama.+
8 I ta lamula misava hi kululama;+I ta tsema timhaka ta matiko hi kululama.+
ו [vau]
9 Jehovha i tava wuchavelo go tiya* ka lava va xanisiwako,+A wuchavelo go tiya zvikhatini zva zvikarato.+
10 Lava va tivako a vito ga wena va ta ku tsumba;+O Jehovha, u nga ta tshuka u tsika lava va ku hlotako.+
ז [zaine]
11 Yimbelelani a tisimu ta ku dhumisa Jehovha, loyi a tshamako Ziyoni;Tivisani a mitiro yakwe cikari ka matiko.+
12 Hakuva Loyi a photelako a nkhata wabye wa va alakanya;+A nga ta rivala a kurila ka loyi a xanisekako.+
ח [hete]
13 O Jehovha, ndzi mahele wuxinji; cuwuka a kuxaniseka loku ndzi vangelwako hi lava va ndzi vengako,Wena loyi u ndzi humesako tinyangweni ta kufa,+
14 Kasi ndzi huwelela a mitiro ya wena yo dzundzeka lomu tinyangweni ta nhanyana wa Ziyoni,+Ndzi tlhela ndzi tsaka hi mitiro ya wena ya kuhanyisa.+
ט [tete]
15 A matiko ma wele nkeleni lowu ma wu kelileko;A nenge wabye wu phasilwe hi ntlhamu* lowu va wu dembileko.+
16 Jehovha i tiviwa hi kulamula loku a ku mahako.+
A wakubiha i phasilwe hi ntiro wa mandla ya yena n’winyi.+
(Higaiom.* Sela)
י [iode]
17 A vakubiha va ta hlehla vaya Cilahleni,*Wontlhe a matiko lawa ma rivalako Nungungulu.
18 Kanilezvi a cisiwana ci nga ta rivaliwa contlhe cikhati;+Ni kutsumba ka lava va kurula ku nga ta tshuka ku fuva.+
כ [cafe]
19 O Jehovha, suka u yima! U nga tsiki munhu wa ku wafa a hlula.
Ngha a matiko ma lamuliwa mahlweni ka wena.+
20 O Jehovha, bana matiko hi kuchava,+A matiko ma wa zvi tive lezvaku mova vanhu ntsena va ku vafa. (Sela)
Mitlhamuselo ya lahasi
^ Kutani: “Ndzi ta gi chayela muzka a”.
^ Kutani: “khokhola gi tlakukileko”.
^ Hi kukongoma: “likoka”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
