Tisimu 90:1-17
Mukhongelo wa Mosi, a munhu wa Nungungulu wa lisine.+
90 O Jehovha, wena u wutshamu ga hina ga ku hanya kona*+ zvizukulwaneni zvontlhe.
2 Hi mahlweni a zvitsunga na zvi nga se huma,*Na u nga se vanga misava ni tiko,+Kusukela kupindzukeni kala kupindzuka, wena u Nungungulu.+
3 U tlhelisa munhu wa ku wafa ntshurini;U ngalo: “Tlhelani, n’wina vana va vanhu.”+
4 Hakuva a 1000 wa malembe mahlweni ka wena ma fana ni tolo a hundzileko,+Me khwatsi tihoranyana ta wusiku.
5 Wa va kukuleta;+ vona ve khwatsi wurongo ntsena;Ni mixo va fana ni byanyi gi balekako.+
6 Ni mixo ga pfepfa gi nyuka,Kanilezvi ni wusiku ga wuna gi woma.+
7 Hakuva ha hisiwa hi zanga ya wena,+Hi chavisiwa hi khulo ga wena.
8 U veka a zvigoho zva hina mahlweni ka wena;*+A zvihundla zva hina zva humesiwa kubaseni hi kuwonekela ka nghohe ya wena.+
9 A masiku* ya hina ma mbhela hi kota ya zanga ya wena,Ni malembe ya hina ma mbhela a ku khwatsi kuhefemula.
10 A masiku ya kuhanya ka hina i 70 wa malembe,Kutani 80,+ ka lava va tiyileko nguvhu.
Hambulezvo ma tele hi zvikarato ni kuxaniseka;Ma hatlisa ma hundza, hina hi n’walala.+
11 Himani a nga pimako a ntamu wa zanga ya wena ke?
A khulo ga wena ga hombe a ku fana ni cichavo leci ci ku ringanako.+
12 Hi gondzise ku hlaya a masiku ya hina+Kasi hi kuma a mbilu yo tlhariha.
13 O Jehovha,+ wuya! Kasi zvi ta simama kala rini?+
Ma zwele wusiwana a malandza ya wena.+
14 Hi xurise ni mixo hi lirandzo la wena li nga mbheliko+Kasi hi kulungela hi litsako, hi nengela+ wontlhe a masiku ya hina.
15 Hi mahe hi tsaka a ku ringana ni masiku lawa u nga hi xanisa,+A ku ringana ni malembe lawa hi nga hi hlomulweni.+
16 Ngha a malandza ya wena ma wona a ntiro wa wena,Ni vana vabye va wona a kungangamela ka wena.+
17 A wuxinji ga Jehovha, a Nungungulu wa hina, a give hehla ka hina.Vhuvhumisa* a ntiro wa mandla ya hina.
Ina, vhuvhumisa* a ntiro wa mandla ya hina.+
Mitlhamuselo ya lahasi
^ Zvi nga maha na zvi wula ku: “u wuchavelo ga hina”.
^ Hi kukongoma: “pswaliwa”.
^ Kutani: “Wa zvi tiva a zvigoho zva hina”.
^ Kutani: “wutomi”.
^ Kutani: “Tiyisa”.
^ Kutani: “tiyisa”.
