Tisimu 91:1-16
91 Ni wihi loyi a tshamako wutshan’wini ga cihundla ga Loyi a Tlakukileko ku Hundza Vontlhe+I ta humula ndzhutini wa Loyi wa Ntamu Wontlhe.+
2 Ndzi taku ngalo ka Jehovha: “Wena u wuchavelo ga mina ni khokhola ga mina;+U Nungungulu wa mina, loyi ndzi mu tsumbako.”+
3 Hakuva i ta ku tlhatlhisa ntlhan’wini wa muphasi wa zvinyanyani,Ni ka ntungu wu lovisako.
4 I ta ku fenengeta* hi timbavi takwe,U kuma wuchavelo lahasi ka tipapa takwe.+
A kutsumbeka+ kakwe ku tava citlhangu ca hombe+ ni khurisi gi vhikelako.*
5 U nga ta chava a kutshisa ka wusiku,+Ni paxa wu phandiwako ni hlikanhi,+
6 Hambu a ntungu wu rendzelekelako munyameni,Ne hambu a kulovisa loku ku hihiritako ni mumu.
7 A 1000 va tawa reveni ga wenaNi 10 000 tlhelweni ga wena ga cinene,Kanilezvi ci hava ci to tshinela ka wena.+
8 U to zvi cuwuka basi hi matihlo ya wenaU kustumunya a kutsayiswa* ka vakubiha.
9 Hakuva u te: “Jehovha wuchavelo ga mina”;
U mahile Loyi a Tlakukileko ku Hundza Vontlhe ava wutshamu ga wena;*+
10 A ku na khombo gi to ku wela,+Ne ntungu wu to tshinela tendeni ga wena.
11 Hakuva i ta laya tingilozi+ takwe xungetano hi wenaKasi ti ku hlayisa tindleleni ta wena tontlhe.+
12 Ti ta ku khamukela mandleni ya tona+Kasi a nkondzo wa wena wu nga gumuli ribye.+
13 U ta kandzihetela a cinghalana ni vhuwumati;U ta gandletela a cinghalana ca malevhu ni nyoka ya hombe.+
14 Nungungulu i te ngalo: “Kota lezvi a ndzi randzako,* ndzi ta mu tlhatlhisa.+
Ndzi ta mu vhikela hakuva yena wa gi tiva vito ga mina.+
15 I ta khongela ka mina, mina ndzi mu hlamula.+
Ndzi tava zvin’we naye zvikaratweni zvakwe.+
Ndzi ta mu tlhatlhisa, ndzi mu dzundza.
16 Ndzi ta mu xurisa hi wutomi go leha,+Ndzi mu komba a mitiro ya mina ya kuhanyisa.”*+
Mitlhamuselo ya lahasi
^ Kutani: “vhalela”.
^ Kutani: “khokhola”.
^ Hi kukongoma: “kutlheliselwa”.
^ Zvi nga maha na zvi wula ku: “khokhola ga wena; wuchavelo ga wena”.
^ Hi kukongoma: “a yimako na mina”.
^ Kutani: “a wona kuhanyisa ka mina”.
