Tisimu 92:1-15
Lisimu la siku ga sabhadho.
92 Zvi nene a ku bonga Jehovha+Ni ku yimbelela a tisimu ta ku dhumisa* a vito ga wena, O wena Loyi a Tlakukileko ku Hundza Vontlhe,
2 Ni ku huwelela a lirandzo la wena li nga mbheliko+ laha mixweniNi kutsumbeka ka wena laha wusikwini,
3 Na ku biwa a cichaya-chaya ca 10 wa tingoti ni cichaya-chaya cin’wani ca tingoti,Ni wucenje go nandziha ga citende.+
4 Hakuva wena Jehovha, u ndzi tsakisile hi kota ya mitiro ya wena;Ndza kulungela hi kutsaka hi kota ya mitiro ya mandla ya wena.
5 O Jehovha, a yi no ku kula a mitiro ya wena!+
A maalakanyo ya wena ma etile nguvhu!+
6 Loyi a nga hava kupima a nge ma tivi,Ni cipumbu a ci nge zvi zwisisi lezvi:+
7 Loku a vakubiha va hluka a ku fana ni byanyiNi loku vontlhe a vamahi va kubiha va vhuvhuma,Zvi mahela ku va lovisiwa kala kupindzuka.+
8 Kanilezvi wena Jehovha u tlakukile kala kupindzuka.
9 O Jehovha, cuwuka a valala va wena u giyagiya,Hakunene a valala va wena va ta lovisiwa;Vontlhe a vamahi va kubiha va ta hangalaswa.+
10 Kanilezvi u ta tlakusa a ntamu* wa mina wu fana ni lowu wa homu ya khwati;Ndzi ta tola mafura ma nyukisako mirini wa mina.+
11 A matihlo ya mina ma ta cuwuka a valala va mina na ma giya;+A tindleve ta mina ti tazwa a kuwa ka vanhu va kubiha lava va ndzi dhumelako.
12 Kanilezvi a vakululama va ta hluka a ku fana ni cindzu,Va kula a ku fana ni sedhare wa Lebhanoni.+
13 Va byalilwe lomu ndlwini ya Jehovha;Va hluka lomu mitsendzeleni* ya Nungungulu wa hina.+
14 Hambu wukhosaneni gabye* va ta simama ku pswala mihandzu;+Va ta simama va tiyile* va tlhela va nyuka,+
15 Na va huwelela lezvaku Jehovha i lulamile.
Yena i Ribye ga mina,+ loyi a nga hava kungalulami.
Mitlhamuselo ya lahasi
^ Kutani: “Ni ku gi chayela muzka”.
^ Hi kukongoma: “limhondzo”.
^ Kutani: “pátios”.
^ Kutani: “Hambu loku va hi ni wuvhu”.
^ Hi kukongoma: “va kulukile”.