Tisimu 97:1-12
97 Jehovha i mahile Hosi!+
A misava yi wa kulungele,+
Ni zvihlale* zvo tala zvi wa tsake.+
2 A marefu ni munyama wo tshisa zvi mu randzele;+A kululama ni nongameto ciseketelo ca citshamu cakwe ca wuhosi.+
3 A ndzilo wu ranga mahlweni kakwe+Wu hisa a valala vakwe matlhelweni wontlhe.+
4 A kuhatima kakwe ku woningela misava;A misava ya ku wona yi rurumela.+
5 A zvitsunga zva nyeka mahlweni ka Jehovha a ku khwatsi i sera,+Mahlweni ka Hosi ya misava yontlhe.
6 A matilo ma huwelela a kululama kakwe,Ni matiko wontlhe ma wona a wudzundzo gakwe.+
7 Vontlhe va tirelako a zvifananiso zvi kehlilweko va wa wisiwe tingana,+Lava va ti dzundzako hi vanungungulu vabye va nga vhuniko nchumu.+
Khizamani mahlweni kakwe,* n’wina n’wentlhe vanungungulu.+
8 Ziyoni wa zvizwa a tsaka;+A madhoropa* ya Judha ma tsakileHi kota ya kulamula ka wena Jehovha.+
9 Hakuva wena Jehovha hi wena u Tlakukileko ku Hundza Vontlhe misaveni yontlhe;U tlakukile nguvhu a ku hundza vontlhe a vanungungulu lava van’wani.+
10 N’wina lava mu randzako Jehovha, vengani zvakubiha.+
Wa hlayisa a wutomi* ga vatsumbekileko vakwe;+Wa va tlhatlhisa canjeni ga* vakubiha.+
11 A kuwonekela ku woningela a vakululama,+Ni kutsaka ku woningela lava va timbilu ti lulamileko.
12 Tsakelani Jehovha, n’wina valulamileko,Mu bonga a vito gakwe go basa.
Mitlhamuselo ya lahasi
^ Kutani: “ilhas; zvilundzo zva mati”.
^ Kutani: “Khozelani yena”.
^ Hi kukongoma: “vanhanyana”.
^ Kutani: “mihefemulo”.
^ Kutani: “ntan’wini wa”.
