Zakariya 2:1-13
2 Ndzi no tlakusa matihlo ndzi wona wanuna a nga hi ni lingoti la ku pima hi lona+ canjeni gakwe.
2 Makunu ndzi no mu wutisa, ndziku: “Uya kwihi?”
Yena aku: “Ndziya ndzi ya pima Jerusalema, kasi ndzi wona kuanama ni kuleha ka yena.”+
3 A ngilozi leyi yi nga kari yi wulawula na mina yi no suka, kuta yin’wani ngilozi yi yi khinga,
4 yi taku ka yona: “Tsutsuma u ya byela a jaha legiya, uku: ‘“Jerusalema i ta tshama vanhu+ kota dhoropa gi nga hava muro, hi kota ya vanhu vontlhe ni zvihari zvontlhe zvi nga ka yena.+
5 Mina ndzi tava muro wa ndzilo matlhelweni wontlhe yakwe,+ niku ndzi tava kungangamela cikari kakwe”, ku wula Jehovha.’”+
6 “Tanani! Tanani! Tsutsumani tikweni ga n’walungu”,*+ ku wula Jehovha.
“Hakuva ndzi mu hangalasile ka mune wa mimoya ya matilo”,+ ku wula Jehovha.
7 “Tana, wena Ziyoni! Tsutsuma, wena u tshamako ni nhanyana wa Bhabhuloni.+
8 Hakuva Jehovha wa mabutho, loyi andzhako ka ku dhumisiwa,* a ndzi rumeleko ka matiko lawa ma nga kari ma mu phanga, i ngalo:+ ‘Ni wihi loyi a mu henyako, i henya ndzololwani ya tihlo ga mina.*+
9 Hakuva zvezvi, ndzi ta tlakusa a canja ga mina ndzi va vhukela; va tava muphango wa tikhumbi ta vona venyi.’+ Mu ta zvi tiva lezvaku hakunene Jehovha wa mabutho i ndzi rumile.
10 “Kanyuluka hi kutsaka, wena nhanyana wa Ziyoni,+ hakuva ndzata,+ ndzi ta tshama cikari ka wena”,+ ku wula Jehovha.
11 “Ka siku lego, a matiko yo tala ma ta namarela ka Jehovha,+ niku ma ta maha vanhu va mina; mina ndzi ta tshama cikari ka wena.” U ta zvi tiva lezvaku Jehovha wa mabutho i ndzi rumile ka wena.
12 Jehovha i ta teka Judha ava tshomba yakwe misaveni yi basileko; i ta tlhela a hlawula Jerusalema.+
13 A vanhu vontlhe* va wa miyele vaku hwi mahlweni ka Jehovha, hakuva wata hi wutshan’wini gakwe go basa a ta maha cokari.
Mitlhamuselo ya lahasi
^ Kutani: “norte”.
^ Kutani: “i henya tihlo ga mina”.
^ Hi kukongoma: “ka kungangamela”.
^ Hi kukongoma: “nyama yontlhe”.
